Амерыкана-ізраільская вайна з Іранам рызыкуе адвесці ўвагу сусветнай супольнасці ад вайны ва Украіне.
Украіна накіравала беспілотнікі-перахопнікі і групу экспертаў па іх для абароны амерыканскіх ваенных баз у Іарданіі, заявіў прэзідэнт у інтэрв’ю New York Times.
Па словах Зяленскага, ЗША звярнуліся па дапамогу ў чацвер, і ўкраінская група вылецела на наступны дзень. Белы дом не адказаў на пытанне выдання, ці звярталіся ЗША па дапамогу да Украіны.
Амерыкана-ізраільская вайна з Іранам рызыкуе адвесці ўвагу сусветнай супольнасці ад вайны ва Украіне, каментуе New York Times. Але ў той жа час яна дала Кіеву магчымасць выкарыстаць набыты досвед і перадавыя тэхналогіі на новым фронце.
Украіна прапанавала дапамогу амерыканскім войскам і іх блізкаўсходнім саюзнікам у абароне ад іранскіх ударных беспілотнікаў, якія Расія гадамі выкарыстоўвае ва Украіне.
«Кіеў спадзяецца зарабіць балы ў перамовах пра мір пры пасрэдніцтве ЗША. Адносіны застаюцца напружанымі. У чацвер прэзідэнт Дональд Трамп зноў заявіў, што лічыць Зеленскага большай перашкодай для мірнай дамовы, чым прэзідэнт Уладзімір Пуцін», — каментуе выданне.
Украінскі лідар заявіў выданню, што хоча дапамагчы краінам Блізкага Ўсходу, але таксама павінен збалансаваць гэтыя запыты з патрэбамі Украіны ўнутры краіны.
-
У Чарнаўцах падчас ускрыцця цела вайскоўца, перададзенага ў рамках абмену з РФ, выявілі гранату
-
З’явіліся спадарожнікавыя здымкі з наступствамі ўдару ракет па бранскім заводзе мікраэлектронікі — ён разбураны
-
Расійскія ваенкары заяўляюць, што страты дасягнулі непрымальнага ўзроўню. «Чакае нас рэмейк восені 2022 года»
Каментары
Бараніці ізраіль - панад усім.