Пашынян папрасіў звольніцца дырэктарку Інстытута генацыду армян, бо яна зрабіла палітычна няправільны падарунак віцэ-прэзідэнту ЗША
«Колькі чалавек у гэтай краіне маюць права фармаваць знешнюю палітыку?»
Прэм’ер-міністр Арменіі Нікол Пашынян паведаміў, што паводле яго патрабавання дырэктарка Музея-інстытута Генацыду армян Эдыта Гзаян падала ў адстаўку.
Адказваючы на пытанне журналіста аб тым, ці звязана гэта з тым, што Гзаян падарыла віцэ-прэзідэнту ЗША Джэй Дзі Вэнсу кнігу пра Карабах, прэм’ер пацвердзіў:
«Так, я папрасіў яе напісаць заяву аб адстаўцы. Я расцаніў гэты ўчынак як дзеянне, якое супярэчыць знешнепалітычнаму курсу ўрада, як правакацыю — і папрасіў напісаць заяву».
Пашынян дадаў, што правядзенне знешняй палітыкі з’яўляецца выключнай прэрагатывай урада.
«Калі прэм’ер-міністр краіны заяўляе, што Карабахскага руху не існуе — што азначае ўручэнне замежнаму госцю кнігі аб Арцахскім пытанні? Колькі чалавек у гэтай краіне маюць права фармаваць знешнюю палітыку?» — рытарычна спытаў ён.
Даследчыкі генацыду расцанілі пазіцыю ўладаў як «палітычнае ўмяшанне» — больш за два дзясяткі навукоўцаў з універсітэтаў і даследчых цэнтраў ЗША і Еўропы выступілі з заявай.
Яны адзначылі «трывожную тэндэнцыю заглушыць незалежныя акадэмічныя галасы, каб дагадзіць палітычнай мэтазгоднасці».
Цяпер чытаюць
Анжаліку Мельнікаву бачылі ў Мінску ў «Дана Моле»24
Каментары
іван вас армянская эліта абгуляе, і не дазволіць вам узлягуць Арменію ў вашы імперыялістычныя войны супраць Азербайджана.
"ўручэнне замежнаму госцю кнігі аб Арцахскім пытанні"