Pašynian paprasiŭ zvolnicca dyrektarku Instytuta hienacydu armian, bo jana zrabiła palityčna niapravilny padarunak vice-prezidentu ZŠA
«Kolki čałaviek u hetaj krainie majuć prava farmavać źniešniuju palityku?»
Premjer-ministr Armienii Nikoł Pašynian paviedamiŭ, što pavodle jaho patrabavańnia dyrektarka Muzieja-instytuta Hienacydu armian Edyta Hzajan padała ŭ adstaŭku.
Adkazvajučy na pytańnie žurnalista ab tym, ci źviazana heta z tym, što Hzajan padaryła vice-prezidentu ZŠA Džej Dzi Vensu knihu pra Karabach, premjer paćvierdziŭ:
«Tak, ja paprasiŭ jaje napisać zajavu ab adstaŭcy. Ja rascaniŭ hety ŭčynak jak dziejańnie, jakoje supiarečyć źniešniepalityčnamu kursu ŭrada, jak pravakacyju — i paprasiŭ napisać zajavu».
Pašynian dadaŭ, što praviadzieńnie źniešniaj palityki źjaŭlajecca vyklučnaj prerahatyvaj urada.
«Kali premjer-ministr krainy zajaŭlaje, što Karabachskaha ruchu nie isnuje — što aznačaje ŭručeńnie zamiežnamu hościu knihi ab Arcachskim pytańni? Kolki čałaviek u hetaj krainie majuć prava farmavać źniešniuju palityku?» — rytaryčna spytaŭ jon.
Daśledčyki hienacydu rascanili pazicyju ŭładaŭ jak «palityčnaje ŭmiašańnie» — bolš za dva dziasiatki navukoŭcaŭ z univiersitetaŭ i daśledčych centraŭ ZŠA i Jeŭropy vystupili z zajavaj.
Jany adznačyli «tryvožnuju tendencyju zahłušyć niezaležnyja akademičnyja hałasy, kab dahadzić palityčnaj metazhodnaści».
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary
ivan vas armianskaja elita abhulaje, i nie dazvolić vam uźlahuć Armieniju ŭ vašy impieryjalistyčnyja vojny suprać Azierbajdžana.
"ŭručeńnie zamiežnamu hościu knihi ab Arcachskim pytańni"