Беларускі трэнер Аляксей Шпілеўскі атрымае $265 тысяч за звальненне з расійскага клуба-аўтсайдара
Прэс-служба ніжагародскага клуба «Пары НН» афіцыйна паведаміла пра расстанне з беларускім трэнерам Аляксеем Шпілеўскім.
«Пары НН» выплаціць Аляксею Шпілеўскаму 20 мільёнаў расійскіх рублёў (каля 265 тысяч даляраў).
Аляксей Шпілеўскі ўзначаліў «Пары НН» у чэрвені 2025 года пасля таго, як адтуль быў звольнены іншы беларускі трэнер — Віктар Ганчарэнка. Перад гэтым Шпілеўскі тры гады ўзначальваў кіпрскі клуб «Арыс» з Лімасола, з якім стаў чэмпіёнам Кіпра і ў 2023 годзе быў прызнаны найлепшым трэнерам чэмпіянату Кіпра.
У «Пары НН» Шпілеўскі атрымліваў па 60 тысяч еўра на месяц. Непасрэдна заробак у беларуса — 57 800 еўра, але яшчэ 2200 еўра яму плацілі на арэнду кватэры.
Вынікі ў 37‑гадовага беларуса былі сумныя, параза за паразай. За тры туры да фінішу клуб займае перадапошні радок, адставанне ад 12‑га месца складае чатыры балы, ад 14-га, якое будзе гуляць у стыкавых матчах, — два балы.
Выганяць Шпілеўскага было дорага. У кантракце прапісана, што калі пры цяперашніх выніках трэнера звальняюць да Новага года, то яму павінны будуць заплаціць 800 тысяч еўра няўстойкі. Калі пасля Новага года — прыкладна 240 тысяч еўра.
Каментары