Грамадства66

65‑гадовага гамельчука асудзілі за спробу дыверсіі на чыгунцы і здраду дзяржаве. Што вядома?

Сяргея Стасенку судзілі адразу па пяці цяжкіх артыкулах Крымінальнага кодэкса. Яму пагражала да дваццаці гадоў калоніі.

Сяргей Стасенка. Фота: Belpol. Ілюстрацыйная выява згенераваная з дапамогай ШІ

Сяргею Стасенку 65 гадоў. Ён з вёскі Лагуны Добрушскага раёна. Гэта невялікая вёска на мяжы з Расіяй і блізка да ўкраінскай мяжы. Побач праходзіць чыгунка ў бок украінскага горада Гарадня і размяшчаецца вайсковы аэрадром.

Па звестках Belpol, раней мужчына кіраваў кампаніяй «Белаўтаматыкасэрвіс», якая рэмантуе вымяральныя прыборы, але звольніўся адтуль у 2014 годзе. Пазней Сяргей кіраваў праектнай арганізацыяй «Рэмкатлапраект» і меў уласную кампанію «ТэрмаСтайл», якая займалася ізаляцыйнымі работамі.

З 2018 года працаваў страхавым агентам «Белдзяржстраха» па Гомельскім раёне.

Апошнім часам, магчыма, Сяргей працаваў у Расіі — ён меў там рахункі і адрас.

Апошні раз Стасенка быў анлайн у лістападзе 2025 года — тады ён уступіў у суполку пра дарожную абстаноўку ў Гомелі. Неўзабаве пасля гэтага яго арыштавалі.

Судзілі мужчыну ў Гомельскім абласным судзе за цэлы шэраг нібыта незавершаных злачынстваў, бо ўсе абвінавачванні ідуць праз артыкул за замах. У спісе — замах на стварэнне экстрэмісцкага фармавання, спроба дзяржаўнай здрады, незаконнае абыходжанне са зброяй, а таксама замахі на акт тэрарызму і наўмыснае прывядзенне ў непрыдатнасць рэек.

Улічваючы, што ўсё гэта адбывалася вакол вёскі Лагуны, якая знаходзіцца недалёка ад мяжы і важнай транспартнай інфраструктуры, верагодна, гаворка ідзе пра чарговую справу рэйкавага партызана.

Дакладны тэрмін зняволення невядомы, але мужчыну пагражала да 20 гадоў калоніі.

«Наша Нiва» — бастыён беларушчыны

ПАДТРЫМАЦЬ

Каментары6

  • .
    08.06.2026
    Гомельская група пра дарожную абстаноўку тут ўвогуле не да чаго.
    Мяркую, журналіст шукаў сляды чалавека ў інтэрнэце, знайшоў хоць такі, а "неўзабаве пасля гэтага" - не прычына затрымання, а блізкасць па часу розных падзей.
    З негалоўнага абзацу Вы нарабілі ўпэўненых высноваў. Здзіўляюся, наколькі бяздумныя каментарыі, і колькі ж лайкаў яшчэ набіраюць ад такіх жа чытачоў.

    З артыкула нічога істотнага па справе не вядома. Толькі, дзе працаваў.
    Справа можа быць і не сфабрыкаванай. Мог насамрэч быць рэйкавым партызанам. І калі так, асобная павага чалавеку.
  • Андрусь
    08.06.2026
    Рэд., вы ж пра гэты выпадак рэпрэсіі пісалі яшчэ на мінулым тыдні. Навошта паўтараць?
  • мясцовы
    08.06.2026
    ., если бы он был партизаном, то его судили бы не по статьям о попытке. Значит он просто в сети кому-то ( гэбшному провокатору) дал согласие.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць