На 77‑м годзе жыцця памерла вядомая харвацкая пісьменніца і публіцыстка Славенка Дракуліч. Яна пайшла з жыцця ва ўзросце 76 гадоў неўзабаве пасля выхаду сваёй новай кнігі «Чаму я не навучылася гатаваць».
Славенка Дракуліч нарадзілася 4 ліпеня 1949 года ў Рыецы, жыла ў Заграбе і Стакгольме. Скончыла Заграбскі ўніверсітэт, дзе вывучала параўнальнае літаратуразнаўства і сацыялогію.
Пачынала кар’еру як журналістка, а пазней стала адной з першых аўтарак, якія ўвялі фемінісцкую тэматыку ў грамадскую дыскусію былой Югаславіі. У 1984 годзе выйшла яе першая публіцыстычная кніга «Смяротныя грахі фемінізму», а ў 1987‑м — першы раман «Галаграмы страху».
Міжнародную вядомасць Дракуліч прынеслі кнігі пра жыццё пры камунізме, посткамуністычныя перамены, войны на Балканах і ваенныя злачынствы. Сярод найбольш вядомых яе твораў — «Як мы перажылі камунізм і нават смяяліся», «Кафэ Еўропа», «Балканскі экспрэс», «Яны б і муху не пакрыўдзілі».
Яе артыкулы друкаваліся ў вядучых сусветных выданнях, а кнігі былі перакладзеныя на многія мовы. У сваіх раманах і эсэ пісьменніца часта звярталася да жаночага досведу, а таксама апісвала лёсы такіх вядомых жанчын, як Фрыда Кала і Мілева Эйнштэйн.
У Славенкі Дракуліч засталіся муж, шведскі журналіст Рыхард Шварц, і дачка Руяна Егер, якая таксама стала пісьменніцай.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары