Пуцін можа паспрабаваць атакаваць НАТА ўжо восенню, лічыць разведка ЗША
Але абмежаванае сухапутнае ўварванне лічаць малаверагодным.
Новыя ацэнкі разведкі ЗША паказваюць, што прэзідэнт Расіі Уладзімір Пуцін можа паспрабаваць праверыць рашучасць НАТА абмежаваным ударам па адной з краін альянсу ў бліжэйшыя некалькі гадоў — ад кібератакі да невялікага сухапутнага ўварвання. Часавыя рамкі — ад восені гэтага года да 2029 года, піша The Wall Street Journal.
Раней ЗША лічылі, што Пуцін не стане правакаваць НАТА, пакуль працягваюцца баявыя дзеянні ва Украіне. Але гэта ацэнка змянілася: Пуцін знаходзіцца пад ціскам праз няўдачы на фронце, бо ўкраінскія дроны наносяць усё большую шкоду арміі і нафтавай галіне Расіі, і імкнецца дасягнуць перамогі.
ЗША і еўрапейскія саюзнікі ўсё часцей фіксуюць прыкметы пробных атак Расіі — напрыклад, расійскія крылатыя ракеты заляталі ў Польшчу, а дроны — у Румынію.
Мэта магчымай атакі на НАТА, калі яна адбудзецца, — раскалоць альянс.
Найбольш небяспечны сцэнар — абмежаванае сухапутнае ўварванне, але ён лічыцца малаверагодным.
Паралельна ёсць занепакоенасць нястачай крытычна важных боепрыпасаў у ЗША — праз пастаўкі Украіне і канфлікт з Іранам. Размова ідзе пра ракеты Precision Strike Missile, ATACMS, ЗРК Stinger, а таксама сістэмы СПА Patriot, SM-3, THAAD.
Пентагон і Белы дом абвяргаюць сцвярджэнні пра нястачу боепрыпасаў, заяўляючы, што ЗША маюць «больш чым дастаткова» ўзбраенняў для мэтаў прэзідэнта Трампа.
Паводле даных Цэнтра стратэгічных і міжнародных даследаванняў (CSIS), у вайне з Іранам ЗША выдаткавалі 1060—1430 ракет Patriot, пакінуўшы ў рэзерве каля 870 штук — што выклікае трывогу наконт магчымасцей стрымлівання адначасова Расіі і Кітая.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары