Надакучылі восы? Адвадзіць іх дапаможа звычайны папяровы пакет
Як гэта працуе?
Пра неардынарны і эфектыўны спосаб адвадзіць вос расказвае Focus.de.
Трэба зрабіць імітацыю асінага гнязда са звычайнага папяровага пакета. Для гэтага дастаткова ўзяць карычневы або шэры папяровы пакет, моцна яго змяць, надаўшы форму, якая будзе нагадваць гняздо, і павесіць каля месца, дзе людзі ядуць або адпачываюць.
Ідэя ў тым, што такая канструкцыя можа выглядаць для вос як ужо занятае гняздо. Лічыцца, што гэта прымусіць частку насякомых шукаць іншае месца.
Калі размясціць такую імітацыю загадзя, яна таксама можа перашкодзіць восам пабудаваць гняздо каля дома або ў садзе.
Калі восы асабліва настойліва наведваюць вас, можна паспрабаваць выкарыстоўваць адразу некалькі метадаў. Напрыклад, у дадатак да папяровага мяшка можна паставіць на стол расліну базіліку, вакол месца, дзе ядуць, раскласці скрылікі лімона, а на некаторай адлегласці пакласці крыху салодкай садавіны, напрыклад, гронку вінаграду.
Восы — важная частка экасістэмы. Таму спецыялісты раяць спачатку выкарыстоўваць бяспечныя спосабы, якія дазваляюць проста адвадзіць насякомых, а не знішчаць іх.
Цяпер чытаюць
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка10
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары