Двое пацярпелых у выніку абвалу рыштаванняў у Мінску застаюцца ў бальніцах
У Мінску двое пацярпелых у выніку абрушэння будаўнічых рыштаванняў на вуліцы Кісялёва працягваюць знаходзіцца ў бальніцах. Пра гэта паведамілі ў камітэце па ахове здароўя Мінгарвыканкама, піша БелТА.
Адзін з пацярпелых шпіталізаваны ў Бальніцу хуткай медыцынскай дапамогі, другі — ў 5‑ю гарадскую клінічную бальніцу. У абодвух дыягнаставаныя спалучаныя траўмы рознай ступені цяжкасці. Медыкі праводзяць неабходнае лячэнне і дыягнастычныя абследаванні.
Першапачаткова пасля здарэння ў медыцынскія ўстановы былі дастаўленыя шэсць чалавек. У іх выявілі чэрапна-мазгавыя траўмы, пашкоджанні звязак суставаў, удары і рваныя раны. Пасля абследавання і кансіліумаў чатырох пацярпелых адпусцілі на амбулаторнае лячэнне па месцы жыхарства.
Раней паведамлялася, што на будаўнічай пляцоўцы адбылося абрушэнне будаўнічых рыштаванняў каля дзевяціпавярховага дома, які цяпер узводзіцца. У выніку трагедыі адзін чалавек загінуў, яшчэ шасцёра атрымалі траўмы.
Па факце здарэння завялі крымінальную справу.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары