Нечаканыя адсылкі да Беларусі нярэдка з'яўляюцца ў замежным кінематографе. Гэтым разам своеасаблівае прывітанне з нашай краіны знайшлі ў папулярным турэцкім серыяле. Пра незвычайную дэталь расказалі ў Threads супрацоўнікі тэлеканала «Беларусь 4. Магілёў», піша Tochka.by.
Беларускі след з'явіўся ў 60‑й серыі першага сезона крымінальнага серыяла «Чукур».
У адной з самых драматычных сцэн суровы камісар паліцыі Эмрах нечакана сядае за фартэпіяна і пачынае віртуозна выконваць «Месяцавую санату» Бетховена.
Эпізод запомніўся прыхільнікам серыяла сваёй напружанай атмасферай і гульнёй акцёра Алперэна Дуймаза.
Але ўважлівыя беларускія гледачы глядзелі не толькі на героя. У кадры буйным планам паказалі легендарнае фартэпіяна «Беларусь», якое раней выпускалі ў Барысаве, а сёння вырабляюць у Мінску.
Гэта адсылка выклікала ажыўленае абмеркаванне ў Threads. Многія прызналіся, што адразу заўважылі гэты момант:
«Так, я адразу заўважыла, і яшчэ вельмі выразна паказалі гэта».
«Алперэн Дуймаз пасля гэтай серыі — проста мой пажыццёвы краш».
«І я адразу такая: оооо, роднае. Я таксама адразу заўважыла».
А адна з карыстальніц пад постам успомніла іншы нечаканы прыклад з'яўлення беларускай прадукцыі ў замежным кіно.
Паводле яе слоў, яна не раз заўважала ў замежных фільмах і серыялах абрусы, фіранкі і іншы тэкстыль, выраблены на магілёўскім прадпрыемстве «Магатэкс».
«Чукур» часта называюць турэцкім адказам «Хроснаму бацьку». У цэнтры сюжэта — уплывовае сямейства Качавалы, якое кантралюе аднайменны раён на ўскраіне Стамбула.
Сям'я катэгарычна забараняе гандаль наркотыкамі на сваёй тэрыторыі, праз што ўступае ў супрацьстаянне з канкурэнтамі.
Серыял выходзіў з 2017 па 2021 год, атрымаў некалькі прэстыжных тэлевізійных узнагарод і стаў адным з самых папулярных крымінальных праектаў у гісторыі турэцкага тэлебачання.
Дакументальны фільм рэжысёра з Баранавічаў Андрэя Куцілы пакажуць на Венецыянскім кінафестывалі
На «Беларусьфільме» пачалі здымаць моладзевы дэтэктыў па творы Андрэя Федарэнкі
Як ствараўся фільм «Звычайны прэзідэнт». Успаміны Юрыя Хашчавацкага
Беларусы з Польшчы пабылі рускімі ў фільме, які ўзяў прыз у Канах. Стужцы прарочаць намінацыю на «Оскар»
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары