На таргі выставілі базу адпачынку «Вяча». На яе тэрыторыі знаходзяцца больш за 70 дамкоў, сталовая, більярдная, летняе навес-кафэ з упарадкаванай тэрыторыяй. Аб'ект размешчаны за некалькі кіламетраў ад Мінска, паведамляе Realt.by.
База адпачынку «Вяча» знаходзіцца ў раёне вёскі Пільніца, у лясным масіве на беразе вадасховішча. Сукупная плошча участкаў амаль 6 гектараў на праве пастаяннага карыстання.
Аб'ект прадаецца адным лотам, у склад якога ўваходзіць нумарны фонд: больш за 70 спальных і фінскіх дамкоў, павільёны, адміністрацыйныя корпусы.
Плюс будынак сталовай (877,9 м²), більярдная, летняе навес-кафэ з упарадкаванай тэрыторыяй (больш за 7 000 м²). База працоўная: электразабеспячэнне, вадаводы, фекальная каналізацыя, геліяўстаноўкі і уласныя сістэмы ацяплення працуюць. Халадзільнае і ацяпляльнае абсталяванне, більярдныя сталы, мангалы — усё гэта гатова да запуску.
На тэрыторыі выканана ўпарадкаванне: зялёная зона з дубовымі і хвойнымі насаджэннямі, сад, прамы доступ да вады.
Пачатковы кошт: 1 035 613,65 рублёў (356,3 тысячы даляраў па курсе). За такія ж грошы ў гэтай лакацыі прадаюцца новыя катэджы.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары