Культура22

«Янушкевіч» плануе выдаць чатыры сусветныя бестселеры

Выдавецтва «Янушкевіч» адкрывае збор сродкаў на выданне чатырох сусветных бестселераў: Джаан Роўлінг «Гары Потэр і Ордэн Фенікса» і «Каляднае парася», Джон Толкін «Хобіт», Анджэй Сапкоўскі «Вядзьмар. Вежа ластаўкі», піша bellit.info.

Выдавецтва дамовілася з праваўладальнікамі і заключыла кантракты, цяпер цягам трох тыдняў неабходна аплаціць ліцэнзіі. Але абаротных сродкаў выдавецтва ў моманце не хапае на такія амбітныя праекты.

«Таму мы звяртаемся да вас, шаноўныя чытачы, па народную падтрымку. Нам трэба прыкладна 15 тысяч еўра на ўсе выдаткі, звязаныя з выкупам правоў на гэтыя чатыры выдатныя творы. Далейшыя выдаткі на друк мы збіраемся закрыць з дапамогай папярэдняга заказу. На кошт ліцэнзій уплывае аб’ём твораў, вялічыня запланаванага накладу і, зразумела, іхны высокі статус сусветных бэстсэлераў. Паспяховы збор сродкаў створыць для нас «падушку бяспекі», якая дазволіць без лішніх рызыкаў упэўнена крочыць далей. Калі мы збяром больш за заяўленую суму, грошы пойдуць на новыя праекты, якім таксама патрэбна фінансаванне», — гэткі допіс з’явіўся ў сацсетках выдавецтва.

Да збору могуць далучыцца жыхары Польшчы праз платформу Zrzutka.pl (у пол. злотых). Збор у іншых валютах для жыхароў іншых краін: 4fund.com. А таксама можна данаціць праз платформу Patreon.com.

Абедзве кнігі Дж. К. Роўлінг выйдуць у перакладзе Алены Пятровіч, «Хобіт» Толкіна — у перакладзе Ігара Кулікова. Гэтыя выданні маюць пабачыць свет у 2026 годзе. А «Вядзьмар» у перакладзе Кацярыны Маціеўскай — у 2027 годзе.

Каментары2

  • Ну
    11.08.2026
    Незразумела, дык сума дапамогі будзе залічана ў якасці аванса на набыццё будучых кніг? Ці трэба зараз скінуцца на ліцэнзіі, а потым за поўны кошт купляць кнігі?
  • метад
    11.08.2026
    З Беларусі пасодзюць

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць