Vydaviectva «Januškievič» adkryvaje zbor srodkaŭ na vydańnie čatyroch suśvietnych biestsieleraŭ: Džaan Roŭlinh «Hary Poter i Orden Fieniksa» i «Kaladnaje parasia», Džon Tołkin «Chobit», Andžej Sapkoŭski «Viadźmar. Vieža łastaŭki», piša bellit.info.
Vydaviectva damoviłasia z pravaŭładalnikami i zaklučyła kantrakty, ciapier ciaham troch tydniaŭ nieabchodna apłacić licenzii. Ale abarotnych srodkaŭ vydaviectva ŭ momancie nie chapaje na takija ambitnyja prajekty.
«Tamu my źviartajemsia da vas, šanoŭnyja čytačy, pa narodnuju padtrymku. Nam treba prykładna 15 tysiač jeŭra na ŭsie vydatki, źviazanyja z vykupam pravoŭ na hetyja čatyry vydatnyja tvory. Dalejšyja vydatki na druk my źbirajemsia zakryć z dapamohaj papiaredniaha zakazu. Na košt licenzij upłyvaje abjom tvoraŭ, vialičynia zapłanavanaha nakładu i, zrazumieła, ichny vysoki status suśvietnych bestseleraŭ. Paśpiachovy zbor srodkaŭ stvoryć dla nas «padušku biaśpieki», jakaja dazvolić bieź lišnich ryzykaŭ upeŭniena kročyć dalej. Kali my źbiarom bolš za zajaŭlenuju sumu, hrošy pojduć na novyja prajekty, jakim taksama patrebna finansavańnie», — hetki dopis źjaviŭsia ŭ sacsietkach vydaviectva.
Da zboru mohuć dałučycca žychary Polščy praz płatformu Zrzutka.pl (u poł. złotych). Zbor u inšych valutach dla žycharoŭ inšych krain: 4fund.com. A taksama možna danacić praz płatformu Patreon.com.
Abiedźvie knihi Dž. K. Roŭlinh vyjduć u pierakładzie Aleny Piatrovič, «Chobit» Tołkina — u pierakładzie Ihara Kulikova. Hetyja vydańni majuć pabačyć śviet u 2026 hodzie. A «Viadźmar» u pierakładzie Kaciaryny Macijeŭskaj — u 2027 hodzie.
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ3
Kamientary