Аўстрыец ехаў у Беларусь з Літвы з какаінам, схаваным сярод цукерак
Яму пагражае да 10 гадоў зняволення.
Гродзенская рэгіянальная мытня завяла крымінальную справу на 35‑гадовага грамадзяніна Аўстрыі, які прыбыў з Літвы на рэйсавым аўтобусе Каўнас — Мінск.
У пункце пропуску «Каменны Лог» мужчына пайшоў праз зялёны калідор, тым самым заявіўшы, што не вязе тавараў, якія трэба дэклараваць або забаронена перамяшчаць праз мяжу.
Аднак у зале мытнага афармлення на пасажыра зрэагаваў службовы сабака.
Падчас праверкі ў яго торбе знайшлі мяшок з цукеркамі, сярод якіх ляжалі два скруткі са спрасаваным белым рэчывам. Экспертыза паказала, што гэта какаін.
Аўстрыйцу можа пагражаць да 10 гадоў пазбаўлення волі.
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал8
Каментары
[Зрэдагавана]