Sieviaryniec i biełaruščyna
Maładafrontaviec Pavał Sieviaryniec vydaŭ i prezentavaŭ knihu «Nacyjanalnaja ideja. Fenamenalohija Biełarusi». Kniha pakidaje supiarečlivyja ŭražańni, bo ŭ joj retraspekcyja panuje nad perspektyvaju. Sieviaryniec badziora sprabuje padsumavać dasiahnieńni biełarusaŭ u minułym i amal nie kanstrujuje budučyni Biełarusi, a kali i robić sproby zazirnuć napierad, dyk akramia praciahu małapryvabnych i ŭsim viadomych karcin minuŭščyny ničoha nie vymaloŭvajecca. Asnoŭnaja pamyłka Sieviarynca, jak i jahonych palityčnych papiarednikaŭ — Viačorki, Paźniaka dy Statkieviča, palahaje ŭ tym, što błytajecca minułaje z budučym, zamiest sučasnaści pakazvajecca historyja, zamiest realnaści prapanoŭvajecca teatralnaje dziejańnie. Zamiest taho kab mitynh-šoŭ pieratvaryć u žyćcio, jany žyćcio ładziać, jak toje šoŭ. Zamiest pieratvareńnia knihi ŭ realnaść Sieviaryniec realnaść sprabuje zahnać u formu knihi — atrymlivajecca miortvaja kniha pra miortvyja źjavy. I nie vypadkova ŭ Paŭłavaj knizie źjaviłasia faktyčnaja pamyłka. Jon piša, što šeście na Dziady ŭ 1988 h. zładziŭ Paźniak. Sieviaryniec pamylajecca. Zajaŭku na šeście padało Tavarystva maładych litarataraŭ «Tutejšyja» za podpisami Sysa, Bialackaha dy inšych. Heta było pieršaje i adzinaje šeście ŭ najnoŭšaj historyi Biełarusi, jakoje mieła kalasalnyja hieapalityčnyja vyniki sa stanoŭčymi rezultatami: dekanstrukcyja SSSR, prymańnie i pastupovaje zamacoŭvańnie demakratyčnych kaštoŭnaściaŭ na postsavieckaj prastory i novyja dziaržaŭnaści. Astatnija mitynhi i šeści ŭ Biełarusi mieli teatralny efekt. Akramia telekarcinak i rozhałasu ŭ medyjnaj prastory jany ničoha nie dali i nie dadali da biełaruskaj idei, bo, paŭtarusia, arhanizatary pieratvarali žyćcio ŭ teatar, a nie teatar u žyćcio, z žyvoha jany rabili miortvaje. Pierakanany, Statkievič i Paźniak, Sieviaryniec i Viačorka navat nie ŭśviedamlali štučnaści ŭłasnaj dziejnaści, ale biełaruskamu palityčnamu žyćciu ad hetkaj ščyraści i naiŭnaści nijakaj palohki nie było, dyj ciapier niama.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki34
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje10
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Kamientary