Raśsielhasnahlad «znajšoŭ kišačnuju pałačku» ŭ biełaruskich praduktach
Maskva šantažuje Biełaruś novaj handlovaj vajnoj?
Bakteryi kišačnaj pałački nibyta znojdzieny ŭ jałavičynie i tvarahu ź Biełarusi. Pra heta havorycca ŭ paviedamleńni Fiederalnaj słužby Rasii pa vieterynarnym i fitasanitarnym kantroli.
«Pry łabaratornych daśledavańniach viandliny, jakaja pastupiła z AAT «Barysaŭski miasakambinat», u partyi jałavičyny, jakaja pastupiła z AAT «Miorski miasakambinat», i ŭ partyi tvarahu, jaki pastupiŭ z pradpryjemstva AAT «Savuškaŭ pradukt», vyjaŭleny bakteryi hrupy kišačnaj pałački, — paviedamlajecca ŭ
U minułym Rasspažyŭnahlad nie raz vykarystoŭvaŭsia ŭ palityčnych metach. Pad jaho zabaronu traplali biełaruskaje małako, małdaŭskija viny, hruzinskaja baržomi — pradukcyja najlepšaj jakaści, lepšaja za rasijskija anałahi. Paśla ŭrehulavańnia kanfliktaŭ pradukcyja adrazu pierastavała być niajakasnaj i viartałasia na rasijski rynak.
Niadaŭna, jak paviedamlałasia, Rasija zabaraniła pastaŭki ŭkrainskich cukierak i šakaładu. Adnačasova sa słodyčami Maskva pastaviła barjery na šlachu impartu ŭkrainskich trub. Na dumku naziralnikaŭ, ciapier Maskva choča sarvać padpisańnie damovy pra asacyjacyju miž Ukrainaj i Jeŭrasajuzam.
Pytańnie, ci dałučycca Biełaruś da Kramla ŭ cisku na Ukrainu, maje istotnaje palityčnaje značeńnie.
Biełaruś pakul nie zabaraniła ŭkrainskija cukierki śledam za Rasijaj.
Inšy kanflikt razhortvajecca ŭ kalijnaj śfiery. Paśla admovy Biełarusi pryvatyzavać «Biełaruśkalij» na vyhadnych dla rasijskaha kapitału ŭmovach «Urałkalij» vyjšaŭ z adzinaj trejdarskaj kampanii z «Biełaruśkalijem», a rasijski ŭrad zapatrabavaŭ ad Biełarusi spynić dempinh na rynku kalijnych uhnajeńniaŭ unutry Rasii.
I voś ciapier «kišačnaja pałačka» točyć nutro «sajuznych adnosinaŭ».
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary