Harecki i 2, abo Jak biełarusy lubiać ličbu dva
Kali Maksim Harecki pisaŭ apovieść «Dźvie dušy», peŭna ž, jon i dumać nia dumaŭ, što ŭ biełarusa budzie ažno dva dni niezaležnaści: 25 sakavika i 3 lipienia. Dvudušnaść biełarusa raspaŭsiudziłasia na ŭsio čysta. U biełarusa dźvie stalicy — Minsk i Miensk, ci Miensk i Vilnia, ci Minsk i Maskva. Usio zaležyć ad pierakanańniaŭ, ale ž i dziaržavy ŭ jaho dźvie — BNR i RB, RB i Sajuznaja dziaržava. Kruci ŭleva ci ŭprava, a dziaržavy budzie dźvie. I movy dźvie. I hramatyki dźvie. Hierboŭ dva — koń i kapusta. Ściahoŭ dva. Viery dźvie, tamu i Chrystos uvaskrasaje ŭ biełaruskaj śviadomaści dvojčy. Novy hod hetaksama dvojčy nadychodzić. Kali biełarusu skazać: «Adzin car, adna viera, adzin narod!» Jon adkaža: «Adna-adna, adzin-adzin, aha-aha…»
Biełarus — paet, na tezu jon znojdzie antytezu ŭ prostych paŭtorach. Tamu i vialikich paetaŭ u biełarusa dva — Kołas i Kupała, Puškin i Mickievič, Šekśpir i Bykaŭ… Dźvie nahi ŭ biełarusa, dźvie ruki i dva voki. Dźvie žonki, dźvie kachanki, dva syny — razumny i durań, dźvie dački — babina dačka i dziedava dačka, dva braty — bahaty i biedny. U biełarusa adzin nos, i jon strašenna praz heta pieražyvaje, ale supakojvaje siabie tym, što ŭ nosie dźvie dzirki.
napisaŭ 05.07.2003, 21:44
∎
Takuboku i nikčemnaść
Podychi Azii žachlivyja. Chto nikoli nia byŭ u azijackich krainach, tamu ciažka zrazumieć i pavieryć u toje biaźmiežna-bieznadziejnaje, što panuje na žoŭta-załatym kantynencie. «Niaŭžo moža być niešta, stvoranaje čałaviekam, — vialikaje? Sam čałaviek nie vialiki, nie kaštoŭny», — kaža Isikava Takuboku ŭ «Dziońniku, napisanym łacinkaj». Jon nibyta zaścierahaje zachodniuju, łacinskuju, chryścijanskuju kulturu ad praźmiernaha zachapleńnia Ŭschodam.
napisaŭ 05.10.2003, 17:30
∎
Bahuševič i abviestki ŭ metro
Kali słuchaŭ biaskoncyja papiaredžańni pra zładziejaŭ u metro, pryjšła dumka: treba zaklik Bahuševiča «Nie pakidajcie movy svajoj, kab nia ŭmiorli!» pierarabić na «Nie pakidajcie rečaŭ svaich, kab nia śpiorli!»
napisaŭ 07.07.2005, 13:22
Kamientary