«Meta kampanii — pastavić nas na kaleni, — kaža Andrej Dyńko. — Ale my vystaim». Andrej Dyńko — hałoŭny redaktar tydniovika «Naša Niva», jaki źjaŭlajecca svojeasablivym kulturnym pomnikam. Pavodle hazety nazyvajecca cełaja epocha ŭ kulturnym žyćci krainy.
Da aŭtaraŭ «Našaj Nivy» naležać zorki kultury i duchoŭnaha žyćcia — ad filozafaŭ i piśmieńnikaŭ da rok-muzykaŭ. Hazeta nie paźbiahaje palityčnych temaŭ, ale ŭ pieršuju čarhu heta kulturnaje vydańnie.
Na minułym tydni Redakcyja daviedałasia, što pošta, jakaja źjaŭlajecca manapalistam pa padpiscy na drukavanyja vydańni, admaŭlajecca raspaŭsiudžvać hazetu.
Pakazalna toje, jak Redakcyja daviedałasia ab tym, što pošta bolš nia budzie jaje raspaŭsiudžvać: čytačy, jakija chacieli vypisać hazetu na nastupny hod, paviedamili, što hazety niama ŭ katalohach padpiski. Pošta paćvierdziła, što nie prymaje padpisku, ale, jak padkreślivaje Dyńko, damovu z Redakcyjaj pošta nie spyniła. Na pošcie jaho paprasili zrazumieć sytuacyju — maŭlaŭ, takija rašeńni prymajuć nie jany.
Ciapier Dyńko i jahonyja supracoŭniki rychtujucca da taho, što hazetu admovicca drukavać drukarnia i nia buduć pradavać u šapikach, jak heta ŭžo zdaryłasia ŭ kastryčniku z adzinaj štodzionnaj niezaležnaj hazetaj «Narodnaja vola», jakaja z taho času drukujecca ŭ Rasiei i pradajecca na vulicy. Kali heta adbudziecca, vydańnie «Našaj Nivy» taksama pieraniasiecca za miažu; raspaŭsiudžvańnie nakładu tady pavinna budzie ažyćciaŭlacca dobraachvotnikami.
Skaročana.
Ciapier čytajuć
Vyhnaŭ žonku zimoj na vulicu, zabraŭ małuju dačku: detali razvodu kasmanaŭta Aleha Navickaha, jaki, zdajecca, ciapier ažaniŭsia z Vasileŭskaj26
Vyhnaŭ žonku zimoj na vulicu, zabraŭ małuju dačku: detali razvodu kasmanaŭta Aleha Navickaha, jaki, zdajecca, ciapier ažaniŭsia z Vasileŭskaj
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary