Vydańni kniažackaj biblijateki na miesiac viernucca ŭ ścieny byłoj rezidencyi «niekaranavanych karaloŭ». Vystava «Knižnaja spadčyna Radziviłaŭ» adkryvajecca siońnia ŭ Niaśvižskim pałacava-parkavym ansambli.Ab hetym paviedamiŭ zahadčyk adździeła redkich knih i rukapisaŭ Centralnaj navukovaj biblijateki imia Jakuba Kołasa Nacyjanalnaj akademii navuk Biełarusi (CNB NAN Biełarusi) Alaksandr Ściefanovič.
Usiaho ŭ ekspazicyi budzie pradstaŭlena 90 vydańniaŭ pa historyi, teałohii, pravu, fiłasofii, tvory mastackaj litaratury, pieryjodyka.Heta cikavyja ekzemplary sa zboru Radziviłaŭ Niaśvižskaj ardynacyi, jakija ciapier bieražliva zachoŭvajucca ŭ fondach Nacyjanalnaj biblijateki Biełarusi, Centralnaj navukovaj biblijateki NAN. «Taksama Prezidenckaja biblijateka Respubliki Biełaruś maje knižnyja zbory. U joj zachoŭvajecca bolš jak sto knih ź biblijateki Radziviłaŭ. U Nacyjanalnaj biblijatecy naličvajecca kala 500 vydańniaŭ, u CNB NAN - amal 3,5 tys.», - skazaŭ Alaksandr Ściefanovič.
Asablivaja cikavaść - da vydańniaŭ ab staražytnym mahnackim rodzie, tvoraŭ, aŭtarami jakich źjaŭlajucca pradstaŭniki rodu Radziviłaŭ.
U čas adkryćcia vystavy adbudziecca prezientacyja katałoha «Biblijateka Radziviłaŭ Niaśvižskaj ardynacyi XVII st.».Vydańnie pradaŭžaje zasnavanuju ŭ 2010 hodzie sieryju katałohaŭ, jakija adlustroŭvajuć skład niekali bujniejšaj pryvatnaŭłaśnickaj biblijateki Niaśvižskaj ardynacyi kniazioŭ Radziviłaŭ XV - pieršaj pałaviny XX stahodździa. «U pieršym katałohu (2011) było 27 dakumientaŭ, sama kniha składajecca sa 180 staronak. Druhoje vydańnie (2012) źmiaščaje 139 dakumientaŭ na 629 staronkach. U hetym hodzie płanujem vypuścić pieršuju knihu treciaha katałoha. Usiaho budzie čatyry častki, u ich my spadziajomsia źmiaścić amal tysiaču dakumientaŭ», - dadaŭ Alaksandr Ściefanovič.
Historyja farmiravańnia Niaśvižskaj ardynackaj biblijateki biare pačatak u XVI stahodździ. Siońnia jaje častki znachodziacca ŭ biblijatekach Rasii, Finlandyi, Polščy, Litvy i Biełarusi. Z 2009 hoda archivy Radziviłaŭ i Niaśvižskaj kalekcyi knih uklučany ŭ rehistr JUNIESKA «Pamiać śvietu».
Prajekt «Knižnaje spadčyna Radziviłaŭ» arhanizavany sumiesna Nacyjanalnym historyka-kulturnym muziejem-zapaviednikam "Niaśviž", Nacyjanalnaj biblijatekaj i CNB NAN Biełarusi.-
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej16
Kamientary