Na Niamizie dabudoŭvajecca novy handlovy centr. Stała viadoma, jaki tam budzie hipiermarkiet
Šmatfunkcyjanalny kompleks mudrahielistaj formy budujecca na vulicy Niamizie, 44. Zabudoŭščyk «Sihmapolus» nie asabliva raspaŭsiudžvajecca pra toje, čym mienavita novy abjekt paraduje minčan. Ale niadaŭna na budaŭničym płocie kala budynka źjaviłasia raściažka, jakaja namiakaje na sietku hipiermarkietaŭ, piša Onliner.
Placoŭka ŭ samym centry Minska dastałasia zabudoŭščyku ŭ 2018 hodzie. Budoŭla raściahnułasia na doŭhija hady, ale ŭžo bačny jaje finiš. A niadaŭna stała viadoma, jaki mienavita hipiermarkiet adkryjecca na płoščach handlovaha centra. Heta budzie Prostore.
Płanujecca, što Sigma budzie ŭklučać u siabie handlovy centr, biźnies-centr, miedycynski centr i šmatuzroŭnievy parkinh. Ahulnaja płošča abjekta — 64 000 kv. m.
Hałoŭny architektar prajekta nazyvaŭ budynak aryhinalnym, adznačajučy, što pry jaho ŭźviadzieńni vykarystoŭvajucca ekskluziŭnyja technałohii. Naprykład, kuty fasada abramlajuć radyusnyja vitražy, abo vyhnutaje škło. U Biełarusi ich vykarystoŭvajuć upieršyniu ŭ takim abjomie.
Akramia taho, dapoŭnili terytoryju kompleksu ŭnikalnymi dekaratyŭnymi elemientami — vialikim vadaspadam i štučnym ručajom, jaki praciakaje ŭzdoŭž fasada kompleksu, simvalizujučy raku Niamihu.
Jašče adna asablivaść prajekta — ekspłuatavany dach, na jakim stvorać zialonuju zonu.
Kiraŭnik administracyi Maskoŭskaha rajona raniej paviedamlaŭ, što handlovy centr adkryjecca da kanca 2026 hoda.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary