Tramp zajaviŭ, što Miełoni «maliła pra fota» ź im. Jana ŭ adkaz: Vydumki, pryčym nie ŭpieršyniu, zatoje z vorahami Tramp nierašučy
Premjerka Italii nazvała zajavy Trampa «całkam vydumanymi», ministr zamiežnych spraŭ krainy admianiŭ vizit u Vašynhton.
«Jana maliła mianie sfatahrafavacca ź joj! Jana tak chacieła sfatahrafavacca sa mnoj. Ja b navat nie pahadziŭsia, ale mnie stała jaje škada! Jana, napeŭna, rada, što ja ź joj parazmaŭlaŭ! Ja nie byŭ abaviazany ź joj razmaŭlać», — skazaŭ Tramp.
Miełoni nazvała zajavy Trampa «całkam vydumanymi» i padkreśliła, što «Italija i ja nikoli nie molim».
«Zajavy Donalda Trampa całkam vydumanyja. Ja, ščyra kažučy, uražana. Nie razumieju, čamu prezident ZŠA pavodzić siabie tak sa svaimi sajuźnikami. Urešcie, heta zdarajecca nie ŭpieršyniu. Mahu tolki skazać — škada, što jon nie prajaŭlaje takoj ža rašučaści ŭ dačynieńni da vorahaŭ Zachadu, vorahaŭ ZŠA, lidaraŭ, da jakich jon, naadvarot, akazvajecca značna bolš sastuplivym. Ale jon pavinien pamiatać adno: Italija i ja nikoli nie molim», — skazała italjanskaja premjerka.
Paśla stała viadoma, što kiraŭnik MZS Italii Antonia Tajani admianiŭ svoj vizit u ZŠA na fonie zajavy Trampa.
«Surjoznyja i abraźlivyja vykazvańni prezidenta Trampa ŭ adras premjer-ministra Džordžy Miełoni abražajuć usiu Italiju. Pa hetaj pryčynie ja pryniaŭ rašeńnie admianić svoj vizit u Złučanyja Štaty, zapłanavany na 21 i 22 červienia», — napisaŭ u sacsietcy X Antonia Tajani.
Ciapier čytajuć
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku21
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1414
Kamientary