«Usia turma ŭvosieni 2023 hoda čuła, jak pracavali nad Dziadkom»
Pavieł Sieviaryniec u svaim telehram-kanale napisaŭ, što pračytaŭ novuju knihu Mikoły Dziadka «Apaviadańni z kišeniaŭ» i padzialiŭsia ŭražańniami ad jaje.
«Kišeniami ŭ Hrodzienskaj krytaj turmie nazyvali zakutki ź ciesnymi, 2ch1.4 mietra, kamierami-trunami.
Mikoła Dziadok prasiadzieŭ tam siem miesiacaŭ pad najdzičejšym presam: «śpiecyjalna abučanyja» sieksoty ŭ susiednich kamierach udzień i ŭnačy raŭli, bili ŭ ścieny dy truby miskami dy kubkami, kab davieści Mikołu da varjactva ci samahubstva.
Kniha — nie prosta turemny raspovied u styli «i ja tam byŭ», a dakumientalnaje, z proźviščami i navat fotami, śviedčańnie ašałamlalnych katavańniaŭ, jakija praktykavalisia ŭ Haradzienskaj.
Usia turma ŭvosieni 2023 hoda čuła, jak «pracavali» nad Dziadkom.
Mikoła trymaŭsia uzorna, śviedču sam, bo kolki razoŭ pierasiakaŭsia i siadzieŭ pobač ź im u haradzienskim ŠIZA. Ale čaho heta jamu kaštavała — možna daviedacca tolki tady, kali pračytać «Apaviadańni z kišeniaŭ».
Asabliva raju pračytać knihu tym, chto viadzie kampaniju ckavańnia Mikoły tut, u volnym śviecie. Dla čaho pračytać? Dla taho, kab zrazumieli: Boh tak rychtavaŭ i hartavaŭ Mikołu, što nijakim «chejtam» albo «kenselinham» jaho nie ŭziać.
Jak i ŭsiakaja kniha-fakt, «Apaviadańni» napisanyja prostaj i jasnaj movaj, z dakładnaj fiksacyjaj padziejaŭ, dumak i dyjałohaŭ.
I kali-niebudź na našym Niurnbierhskim trybunale biełaruski prakuror padymiecca za svaim stałom, vyprabavalna zirnie na łavu padsudnych i, trymajučy ŭ ruce «Apaviadańni z kišeniaŭ», na čystaj biełaruskaj movie ahałosić: Dokaz numar taki i taki. Śviedčańnie Mikałaja Dziadka», — napisaŭ Pavieł Sieviaryniec.
Mikoła Dziadok raskazaŭ, jak sukamiernik-kryminalnik zrabiŭ jaho biełaruskamoŭnym
«Ni tady, ni siońnia ja nie liču, što zrabiŭ štości kiepskaje». Dziadok ščyra raskazaŭ pra byłyja adnosiny z 16‑hadovaj dziaŭčynaj
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej
Mikoła Dziadok vypuściŭ knihu pra hrodzienskuju turmu
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary
- U Vilni u kramie "Kropka"
- U Varšavie ŭ Centry biełaruskaj salidarnaści (CBS)
- U majoj internet-kramie na markietpłejsie "Kamaroŭka" https://kamarouka.com/krama/radix-lab/