Turcyju niekatoryja ekśpierty nazyvali cieniavym favarytam, zdolnuju pašumieć u płej-of. Ale zbornaja paciarpieła druhuju parazu na mundyjali.
Siońnia ranicaj turki prajhrali Parahvaju 0:1.
Hoł na druhoj chvilinie zabiŭ Macijas Hałarca, heta pakul samy chutki hoł na mundyjali.
Paśla dvuch turaŭ: ZŠA — 6 bałaŭ, Aŭstralija, Parahvaj — 3, Turcyja — 0.
U pieršym tury na mundyjali turki prajhrali Aŭstralii 0:2. Turcyja straciła šancy na treciaje miesca, jakoje b mahło dać pucioŭku ŭ płej-of. Matč z ZŠA ŭžo ničoha nie vyrašyć.
U kancy pieršaha tajma byŭ vydaleny parahvajec Mihiel Ałmiron.
Uźnikła sutyčka, padčas jakoj 32‑hadovy parahvajec prykryŭ rot rukami i niešta skazaŭ tureckamu abaroncu Miertu Miułdziuru. Turak adrazu źviarnuŭ na heta ŭvahu arbitra Ivana Bartana. Salvadorski sudździa pajšoŭ da manitora, kab prahledzieć paŭtor epizodu, paśla čaho vydaliŭ Ałmirona.
Ličycca, što hulec prykryvaje rot, kab skazać niešta rasisckaje, a heta aŭtamatyčnaje vydaleńnie. Heta pieršaje ŭ historyi vydaleńnie paśla taho, jak hulec prykryŭ rot rukoj.
Tak było pastanoŭlena rabić, paśla taho, jak u matčy 1/4 finału Lihi čempijonaŭ «Bienfika» — «Reał» hulec partuhalcaŭ Džanłuka Prestyjani abraziŭ Vinisijusa Žunijora, prykryŭšy rot kaŭniarom futbołki. Prestyjani admaŭlaŭ, što ŭ jaho było rasisckaje vysłoŭje.
Kamientary