U Rahačovie abiacajuć uznaharodu za danos na aŭtara hrafici «Chopić buchać»
Rahačoŭskaja rajonnaja hazieta «Svabodnaje słova» apublikavała materyjał z abiacańniem uznaharody tamu, chto dakaža na aŭtara nadpisaŭ «Chopić buchać».
Artykuł nazyvajecca: «Prikryvajaś boŕboj s ałkoholizmom, vandały urodujut fasady zdanij v Rohačievie».
Antyałkaholnyja nadpisy, vykananyja pad trafaret, źjavilisia ŭ roznych miescach horada. Hazieta nazyvaje hrafici «vandalizmam». Tych žycharoŭ, chto bačyŭ, jak nanosilisia hrafici, ale admaŭlajecca raskazać pra heta, nazyvajuć «saŭdzielnikami złačynstva».
«Pakul nieviadoma, chto prykłaŭ svaju niačystuju ruku da razmalavańnia ścien haradskich budynkaŭ.Chiba što heta biessaromnyja bajaźlivyja ludzi, jakija zrabili paskudstva, i ciapier chavajucca pa ciomnych kutach u strachu być złoŭlenymi dobraprystojnymi hramadzianami, — pafasna piša aficyjnaja hazieta. — Kali vy vałodajecie jakimiści źviestkami pra hetych vandałaŭ, nie rabiciesia ich saŭdzielnikami, a pieradajcie viadomuju vam infarmacyju na teł.
U jakaści ŭznaharody danosčykam abiacajuć biaspłatny pachod na dyskateku ŭ kłub «Pramień».Na dumku dyrektarki kinateatra, vandały svaim nadpisam parušyli charastvo.
«U ramkach praviadzieńnia abłasnych «Dažynak» na ramont kinateatra, u tym liku na rekanstrukcyju i afarboŭku fasada, było zatračana bolš za 150 miljonaŭ rubloŭ.Dla taho, kab vypravić škodu, pryčynienuju nieviadomymi asobami vonkavym abliččy kinateatra, tre' budzie pravieści składanuju pracu. Mała taho, što spatrebiacca dadatkovyja srodki, dyk jašče padabrać patrebnaje adcieńnie farby budzie niaprosta — u advarotnym vypadku pryjdziecca pierafarboŭvać ledź nie ŭvieś fasad», — narakaje dyrektarka «Rahačoŭkinavideasietka» Alena Mielnikava.
Znajšli prablemu, karaciej…
Biełaruskija ŭłady bajacca luboj niesankcyjanavaj aktyŭnaści.Zdaralisia vypadki, kali ludziej štrafavali za razdaču biaspłatnaj ježy biednym, za ŭstanoŭku pomnika ci praviadzieńnie žartaŭlivaj «bitvy paduškami» ŭ parku.
Kampaniju «Chopić pić! Treba žyć» pravodzili nacyjanalnyja aktyvisty i niezaležnyja supołki moładzi.Na Homielščynie jana była asabliva aktyŭnaj, bo i sacyjalnyja prablemy ŭ rehijonie adny z najbolšych. Pa ŭzroŭni złačynnaści, pakazčykach zdaroŭja i demahrafii, kolkaści abortaŭ Homielščyna našmat abhaniaje zachodnija vobłaści krainy.
Stensiły «Chopić buchać» źjavilisia ŭ Rahačovie ŭ noč na 9 maja.Artykuł u «Svabodnym słovie» sparadziŭ vialikuju kolkaść kamientaroŭ. Siarod inšaha, rahačoŭcy adznačajuć, što niedaloka ad nadpisaŭ «Chopić buchać» kala dyskateki «Pramień» namalavanaja fašysckaja svastyka. Jana, adnak, takoha administratyŭnaha śvierbu nie vyklikała.
Ciapier čytajuć
Chto toj chłopiec, jaki čakaŭ dziaŭčynu pad daždžom u Minsku? Vy dakładna bačyli toje ramantyčnaje videa11
Kamientary