Były pretendent u kandydaty ŭ prezidenty ź Viciebska Siarhiej Ryžoŭ uciok u Rasiju.
Viciebskamu stvaralniku niezarehistravanaj Kansiervatyŭna-chryścijanskaj partyi «Biełaja Ruś» pahražaŭ aryšt na 15 sutak za chulihanstva i niepadparadkavańnie supracoŭnikam vyćviareźnika 16 listapada, paviedamlaje Radyjo Svaboda.
Ryžoŭ ćvierdziŭ, što spravu suprać jaho sfabrykavali, i što jon sam staŭ achviaraj milicejskaha hvałtu. Zatym jon prachodziŭ lačeńnie ŭ psichijatryčnaj klinicy, a 4 lutaha vypisaŭsia sa špitala i vyrašyŭ pakinuć Biełaruś, navat nie zachodziačy dachaty.
Jon nakiravaŭsia ŭ Maskvu. I byŭ rasčaravany, što jaho nie padtrymali zamiežnyja pravaabaroncy. Ale viartacca na radzimu Siarhiej Ryžoŭ nie źbirajecca.
Načalnik siektara źniešnieekanamičnaj dziejnaści AAT «Viciebski płodaaharodninny kambinat» Siarhiej Ryžoŭ uvosień 2010 h. zajaviŭ ab žadańni ŭdzielničać u prezidenckich vybaraŭ, ale ŭžo 21 kastryčnika, za dva miesiacy da vybaraŭ, na etapie zboru podpisaŭ, źniaŭ kandydaturu. Nahadajem, što ŭsiaho pretendentaŭ było 19, ale dzieviać, u tym liku Ryžoŭ, źniali svaje kandydatury, abo ich zajaŭki nie zarehistravali.
Potym S. Ryžoŭ zapomniŭsia šeraham dziŭnych zajaŭ i akcyj.
35 maładych biełarusaŭ i biełarusak, za jakimi varta sačyć: apublikavany pieršy śpis Next 3532
Kamientary