Karcina Alfreda Chičkoka z Marlen Dzitrych i pravakacyjnaja stužka Pedra Almadovara.
STV, 23.15
Zakon žadańnia (La ley del deseo)
Hišpanija, 1987, kalarovy, 102 chv.
Režyser: Pedra Almadovar
Roli vykonvajuć: Antonia Banderas, Ejsebia Panceła, Karmen Maŭra, Mihiel Malina, Fernanda Hilen
Žanr: Drama
Premii: Premija “Tedzi” Berlinskaha kinafestu, premii kinafestu ŭ Bahacie za najlepšuju režysuru, scenar, mantaž – usiaho 9 uznaharodaŭ i 3 naminacyi
Adznaka: 7 (z 10)
Historyja pałkaha luboŭnaha trochkutnika, dzie žarść pryvodzić da zabojstva…
Skandalnaja stužka Pedra Almadovara z maładym Antonia Banderasam. Panazakručany siužet, detektyŭnyja intryhi, nadryvy hišpanskaje meladramy. Jak zaŭždy ŭ Almadovara – luboŭny trochkutnik całkam mužčynski (Banderas nat źniaŭsia ŭ ryzykoŭnych scenach). Ale ŭ adroźnieńni ad nastupnych stomlenych stužak majstra, karcina “Zakon žadańnia” maje drajv – i ździŭlaje svajo nepryčesanaściu j dziorzkaju režysuraj.
NTV-Biełaruś, 23.25
ANT, 01.30
Strach sceny (Stage Fright)
Vialikabrytanija, 1950. čorna-bieły, 110 chv.
Alfred Chičkok
Roli vykonvajuć: Džejn Ŭajman, Marlen Dzitrych, Majkł Ŭajłdzinh, Ryčard Tod, Alistar Sim
Žanr: Trymcieńnik
Pryzy: Pryz MKF u Łakarna, naminacyja na premiju Edhara Po za najlepšy film
Adznaka: 7 (z 10)
Studentka Jeva sprabuje advieści ad svajho siabra abvinavačańni ŭ zabojstvie, u jakich pavinnaja teatralnaja zorka Šarłota (Marlen Dzitrych). Ale žyćcio nie prytrymlivajecca schiemaŭ, i vykanańnie hałoŭnaj roli na scenie moža zavieršycca śmierciu…
Karcinu Alfreda Chičkoka “Strach sceny” krytykujuć za praźmiernuju teatralnaść i niedastatkovy saśpiens. Ale režyser, jaki zaŭždy vykarystoŭvaŭ umoŭnaść u svaich metach, razhortvaje havarkoje vidovišča z płojmaj humaru j firmovaj ironii.
Chičkok, jaki lubiŭ tyranić aktoraŭ i zajaŭlaŭ, što najlepšyja vykanaŭcy va Ŭołta Dysneja, bo niepatrebnaje možna ścierci – narvaŭsia ŭ “Strachu sceny” na Marlen Dzitrych.
Što z hetaha atrymałasia – mienskich na teleekranach. Na fota – Alfred Chičkok i Marlen Dzitrych.
Boža, jak mnie pasuje žałoba! Ci nielha voś hety vyraz na sukiency hłybiej zrabić? Dy jašče napieradzie načapić jakuju-niebudź cacanku… (Udava Šarłota ŭ vykanańni Marlen Dzitrych)
Kamientary