Na pieramovach z Rasijaj i ABSIE pa Danbasie Ukrainu budzie reprezientavać Kučma, a bajevikoŭ — kum Pucina
23 červienia ŭ Daniecku adbudziecca pasiadžeńnie trochbakovaj kantaktavaj hrupy pa realizacyi mirnaha płana prezidenta Piatra Parašenki. Pra heta paviedamlaje pres-słužba prezidenta Ukrainy.
Meta pasiadžeńnia — vyznačeńnie etapaŭ realizacyi mirnaha płana.
«Čakajecca, što ŭ pieramovach u Daniecku voźmuć udzieł śpiecpradstaŭnik dziejučaha staršyni ABSIE Chajdzi Taljavini i pasoł Rasii va Ukrainie Michaił Zurabaŭ. Pa daručeńni kiraŭnika dziaržavy, u pasiadžeńni voźmie ŭdzieł druhi prezident Ukrainy Leanid Kučma», — havorycca ŭ paviedamleńni.
Pierad adjezdam kantaktavaj hrupy ŭ Danieck prezident Ukrainy pryniaŭ jaje ŭdzielnikaŭ u Kijevie.
«Udzieł Leanida Kučmy śviedčyć ab vysokaj uvazie prezidenta Ukrainy da hetaj misii», — zajaviŭ Parašenka.
Jak viadoma, pieršaje pasiadžeńnie hrupy adbyłosia 8 červienia ŭ Kijevie. Tady Ukrainu reprezientavaŭ ambasadar u Niamieččynie Paŭło Klimkin, jaki ciapier uznačalvaje MZS.
U paniadziełak u Luksiemburhu na pasiadžeńni Rady ES pa zamiežnych spravach Klimkin vykładzie mirny płan Parašenki pa ŭrehulavańni situacyi na ŭschodzie krainy.
Jak viadoma, u niadzielu prezident Rasii Uładzimir Pucin vykazaŭ radaść, što jahony kum Viktar Miedviadčuk «atrymaŭ mandat» vieści pieramovy z ABSIE ad imia abodvuch abjadnańniaŭ bajevikoŭ na Uschodzie — Łuhanskaj i Danieckaj «narodnych respublik».
U skład trochbakovaj hrupy Miedviedčuka ŭklučać nie buduć.
Cikava, što Miedviadčuk u svoj čas byŭ kiraŭnikom Administracyi Leanida Kučmy. Abodva byli krajnie niepapularnymi, jany byli abjektami nianaviści ŭ časie Aranžavaj revalucyi. I voś — uspłyli, vajna vyniesła.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali1
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2525
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra25
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary