Zasnavalnika Telegram Paŭła Durava ŭ Rasii ŭnieśli ŭ śpis ekstremistaŭ i terarystaŭ
Učora FSB abvinavaciła Durava ŭ sadziejničańni terarystyčnaj dziejnaści.
Rasijskaje viedamstva Rośfinmanitorynh uklučyła zasnavalnika i kiraŭnika miesiendžara Telegram Paŭła Durava ŭ aficyjny rejestr asob, datyčnych da ekstremisckaj dziejnaści abo teraryzmu.
Hety krok ciahnie za saboj błakavańnie jaho bankaŭskich rachunkaŭ i finansavych aktyvaŭ na terytoryi Rasijskaj Fiederacyi.
Uniasieńnie Durava ŭ pieralik terarystaŭ adbyłosia adrazu paśla taho, jak FSB Rasii abviaściła pra vystaŭleńnie jamu zavočnaha abvinavačańnia pavodle č. 1.1 art. 205.1 Kryminalnaha kodeksa RF («Spryjańnie terarystyčnaj dziejnaści»).
Rasijskija śpiecsłužby śćviardžajuć, što administracyja Telegram admaŭlajecca vydalać kanały i boty, jakija vykarystoŭvajucca dla kaardynacyi dyviersij i terarystyčnych aktaŭ.
U suviazi z hetym rasijskija ŭłady abviaścili biznesoŭca ŭ mižnarodny vyšuk.
Jašče ŭ lutym suprać Paŭła Durava ŭ Rasii była raspačata kryminalnaja sprava pa artykule «Sadziejničańnie terarystyčnaj dziejnaści» (č. 1.1 art. 205.1 KK RF).
FSB davodziła, što Telegram u Rasii atrymaŭ status nie srodku suviazi, a stratehičnaj zbroi praciŭnika.
10 lutaha 2026 hoda Raskamnahlad pačaŭ maštabnuju błakiroŭku, jakuju nazyvajuć «dehradacyjaj trafiku».
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie23
Kamientary