Udava biełaruskaha dobraachvotnika zdoleła sabrać podpisy pad pietycyjaj ab prysvajeńni inšaziemcam zvańnia Hieroja Ukrainy
Vieranika Janovič, udava biełaruskaha dobraachvotnika Alaksieja Łazarava, jaki zahinuŭ, abaraniajučy Ukrainu, zdoleła sabrać nieabchodnuju kolkaść podpisaŭ pad pietycyjaj da prezidenta Ukrainy Uładzimira Zialenskaha i Viarchoŭnaj rady. 30 lipienia pietycyja nabrała bolš za 25 tysiač podpisaŭ, nieabchodnych dla taho, kab jaje razhledzieŭ kiraŭnik ukrainskaj dziaržavy.
Pietycyja była apublikavanaja 1 maja i padpisanaja ad imia žonki i blizkich zahinułaha dobraachvotnika Alaksieja Łazarava. U joj Vieranika Janovič prapanavała dazvolić prysvojvać zvańnie Hieroja Ukrainy inšaziemcam i asobam biez hramadzianstva, jakija ździejśnili hieraičnyja ŭčynki padčas abarony krainy.
U pietycyi biełaruska źviartała ŭvahu, što zamiežnyja dobraachvotniki faktyčna vykonvajuć tyja ž zadačy, što i hramadzianie Ukrainy: niepasredna ŭdzielničajuć u bajavych dziejańniach, dapamahajuć abaraniać dziaržavu i ździajśniajuć učynki, nakiravanyja na abaronu jaje niezaležnaści i terytaryjalnaj cełasnaści.
Na dumku Janovič, adsutnaść adpaviednaha miechanizmu nie dazvalaje Ukrainie naležnym čynam adznačać zasłuhi inšaziemcaŭ, jakija ŭnieśli značny ŭkład u abaronu krainy.
Alaksiej Łazaraŭ zahinuŭ u studzieni 2026 hoda. Paśla jaho śmierci Vieranika Janovič zajaviła, što jon nie čakaŭ padziaki za svaju słužbu, ale zaŭsiody vostra reahavaŭ na niespraviadlivaść.
Ciapier, paśla zboru nieabchodnych 25 tysiač podpisaŭ, pietycyja pavinna być abaviazkova razhledžanaja prezidentam Ukrainy Uładzimiram Zialenskim i na jaje musić być dadzieny aficyjny adkaz.
Ciapier čytajuć
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ2
Kamientary