UEFA adnahałosna vyrašyŭ bajkatavać turniry FIFA, kali realizujucca płany Infancina
UEFA i ŭsie 55 nacyjanalnych futbolnych asacyjacyj Jeŭropy adnahałosna padtrymali rašeńnie ab mahčymym bajkocie turniraŭ FIFA, kali arhanizacyja nie admovicca ad płana pieradać častku kamiercyjnych pravoŭ na čempijanaty śvietu pryvatnym inviestaram. Heta rašeńnie było pryniata na ekstranym pasiadžeńni UEFA, paviedamlaje The Guardian.
Pavodle zajavy UEFA, jeŭrapiejskija asacyjacyi kateharyčna nie zhodnyja z prapanovaj prezidenta FIFA Džani Infancina stvaryć novuju kamiercyjnuju strukturu i pradać u joj minarytarnuju dolu źniešnim inviestaram. UEFA śćviardžaje, što čempijanat śvietu «nie moža razhladacca jak inviestycyjny pradukt» i što «suśvietny futboł nie pradajecca».
Kali FIFA ŭsio ž zaćvierdzić prajekt i nie admovicca ad jaho, jeŭrapiejskija zbornyja nie buduć udzielničać u spabornictvach pad ehidaj FIFA. Bajkot zakranie:
- mužčynski čempijanat śvietu;
- žanočy čempijanat śvietu;
- kłubny čempijanat śvietu;
- inšyja turniry, jakija arhanizuje FIFA.
U svaju čarhu FIFA zajaŭlaje, što havorka idzie nie pra prodaž samoha čempijanatu śvietu, a pra stvareńnie novaj kamiercyjnaj kampanii FIFA Forward Enterprise, u jakoj arhanizacyja zachavaje poŭny kantrol nad futbolnym kiravańniem, praviłami i praviadzieńniem turniraŭ. Pryciahnutyja srodki płanujecca nakiravać na raźvićcio futboła va ŭsich 211 nacyjanalnych asacyjacyjach.
Supraćstajańnie pamiž UEFA i FIFA ŭžo nazyvajuć adnym z samych surjoznych kryzisaŭ u historyi mižnarodnaha futboła. Kali baki nie pryjduć da kampramisu, adsutnaść jeŭrapiejskich zbornych moža kardynalna źmianić, i zusim nie ŭ lepšy bok, budučyja čempijanaty śvietu.
«Duša futboła nie pradajecca». UEFA praviadzie ekstrannaje pasiadžeńnie ŭ suviazi z płanami FIFA pryciahnuć da finansavańnia turniraŭ pryvatnych inviestaraŭ
Prezident FIFA choča padzialicca pravami na mundyjal ź blizkimi da Trampa pryvatnymi inviestarami
Tramp choča, kab Infancina staŭ hienieralnym sakratarom AAN
Zbornaja Ispanii paśla čempijanatu śvietu ŭznačalvaje rejtynh FIFA
Dachody FIFA ad praviadzieńnia čempijanatu śvietu 2026 hoda składuć rekordnyja $15 młrd
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć41
Kamientary
Infantino ofonarieł.
Pora jeho v otstavku otpraviť.