Pad Rasonami zatrymali ŭdzielnikaŭ štohadovaha źlotu, jaki pravodziać biełaruskija pradstaŭniki ruchu «Siamja viasiołki» (Rainbow Family), piša «Viciebskaja Viasna».
Ruch «Siamja viasiołki» abjadnoŭvaje prychilnikaŭ idei harmaničnaha suisnavańnia z pryrodaj i pratestu suprać umoŭnaściaŭ kapitalistyčnaha hramadstva. Źloty pravodziacca u małanasielenych miescach, pałatačnyja haradki staviać pablizu vadajomaŭ.
Na tych, chto chacieŭ adpačyć na pryrodzie i sustrecca sa starymi siabrami, učora ździejśnili milicejski nalot. Ludziej zatrymlivali cełymi siemjami. Viadoma, što razam z darosłymi noč u IČU byli vymušanyja pravieści i niekalki dziaciej. Što da kolkaści zatrymanych, to «Viciebskaja Viasna» daje ličbu 350.
Na zatrymanych skłali pratakoły za ŭdzieł u niesankcyjanavanym masavym mierapryjemstvie i papiaredzili, što na praciahu dvuch miesiacaŭ ich čakaje sud. Infarmacyja pra incydent udakładniajecca.
Padobnaja historyja adbyłasia ŭ Viciebsku ŭ 2025 hodzie, kali zamiežnyja studenty sa Šry-Łanki sabralisia razam, kab adznačyć nacyjanalny Novy hod. Kala 300 junakoŭ i dziaŭčat zładzili tradycyjnuju supolnuju imprezu, navat nie padumaŭšy, što treba papiarednie atrymać dazvoł ad miascovych uładaŭ. Milicyjanty paličyli śviatkavańnie parušeńniem zakona i kvalifikavali jaho jak niesankcyjanavanaje masavaje mierapryjemstva. U vyniku milicyja zatrymała bolš za 300 zamiežnikaŭ. Historyja nabyła rozhałas u miedyja napačatku 2026 hoda, kali ŭnutranyja milicejskija dakumienty trapili ŭ publičny dostup.
Ciapier čytajuć
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach6
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1818
Kamientary
Ciažka ŭzhadnić chacia b z metaŭ biaśpieki svaju schodku? Heta ž nie akcyja pratestu, kab nie dali dazvoł.