1 žniŭnia na 42-m hodzie žyćcia raptoŭna pamior adzin z najlepšych futbalistaŭ Biełarusi za ŭsiu historyju — Valancin Bialkievič.
Pra heta paviedamlaje sajt Biełaruskaj fiederacyi futboła.
U futbalista abarvaŭsia tromb, paviedamlaje sajt FK «Dynama» Kijeŭ.
Valancin Bialkievič čatyry razy stanaviŭsia čempijonam Respubliki Biełaruś i dvojčy zavajoŭvaŭ Kubak krainy ŭ składzie futbolnaha kłuba «Dynama-Minsk».
Paśla pierachodu ŭ kijeŭskaje «Dynama» Bialkievič razam sa svaim novym kłubam siem razoŭ vyjhraŭ čempijanat Ukrainy, i šeść razoŭ Kubak Ukrainy.
Biełaruski paŭabaronca ŭnios niemały darobak u pośpiechi kijeŭskaha kłuba na jeŭraarenie — u 1999 hodzie «Dynama» dajšło da paŭfinału Lihi čempijonaŭ.
Za zbornuju Respubliki Biełaruś pravioŭ 56 matčaŭ i zabiŭ 10 hałoŭ. Valancin byŭ adnym ź lidaraŭ biełaruskaj zbornaj u kvalifikacyi da čempijanatu śvietu FIFA 2002 hoda, kali naša kamanda spyniłasia za krok ad zavajovy druhoha miesca ŭ hrupie i prava zhulać u stykavych matčach.
U 1995 hodzie byŭ pryznany najlepšym futbalistam Biełarusi, a ŭ 2001 — najlepšym hulcom ukrainskaha čempijanatu.
«Svaje lepšyja futbolnyja hady jon pravioŭ u kijeŭskim «Dynama» ciešačy svaim vydatnym majsterstvam i talentam tysiačy zaŭziataraŭ, — havorycca ŭ spačuvańni na sajcie FK «Dynama» Kijeŭ. — Paśla zaviaršeńnia hulniavoj karjery Valancin Mikałajevič prajaviŭ siabie na trenierskaj nivie, padajučy vialikija nadziei. Śmierć adnak vyrvała jaho z našych šerahaŭ.
FK «Dynama» (Kijeŭ) vykazvaje ščyryja spačuvańni svajakam, siabram i ŭsim, chto viedaŭ hetaha cudoŭnaha čałavieka i pieršakłasnaha prafiesijanała.
«Naša Niva» dałučajecca da spačuvańniaŭ.
Ciapier čytajuć
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja5
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary