My čakali, što heta zdarycca. Pierad hetym, jak vam užo viadoma, «Našu Nivu» nie ŭklučyli ŭ padpisny kataloh na 2006 hod. Takija voś padarunki da 100-hodździa hazety.
My čakali, što heta zdarycca. Pierad hetym, jak vam užo viadoma, «Našu Nivu» nie ŭklučyli ŭ padpisny kataloh na 2006 hod. Takija voś padarunki da 100-hodździa hazety.
Adnačasova z «NN» spynieny raspaŭsiud jašče 16 vydańniaŭ, pieravažna rehijanalnych. Inšaha vyjścia niama, jak samastojna raspaŭsiudžvać hazety praź lubyja mahčymyja kanały.
Da Novaha hodu hazeta budzie dachodzić praz padpisku i «Sajuzdruki». Paśla vam tre budzie atrymlivać hazetu inšym čynam. Dla hetaha tolki treba, kab usie achvotnyja — i ciapierašnija padpisčyki, i niepadpisčyki — dasłali adrasy, na jakija musiać dastaŭlacca numary.
Taksama hazeta maje internet-sajt www.nn.by ź lusterkam za miažoju www.bielarus.info.
Adhortvajecca novaja staronka ŭ historyi hazety.
U Redakcyju telefanujuć dziasiatki ludziej. Mnohija płačuć: «My nia zmožam biaz «Našaj Nivy». Dla nas heta byŭ adziny surazmoŭca na rodnaj movie». Nia płačcie, ludzi. Vy adstaicie svaju hazetu. Ale kali ŭžo raspłakalisia, zapomnicie hetyja ślozy. Kožnaja ślazinka — heta rachunak, pa jakim vy adnojčy zapatrabujecie apłaty.
Mnohija čytačy zaklikajuć da vuličnych akcyjaŭ pratestu. U hetym ci jość sens. Davajcie prybieražom siły. Hałoŭnym našym pratestam budzie, kali hazeta zastaniecca hazetaj, niahledziačy ni na što, i nie pieratvorycca ŭ bajavy listok. Kab hazecie zachavacca, prosta dašlicie svaje adrasy ŭ Redakcyju i pieraličycie na rachunak «NN» pryvatnaje achviaravańnie z raźliku 6 000 rubloŭ na miesiac.
Kamientary