Palicyja pad Pieciarburham zatrymała 100 čałaviek na sakretnym pank-fiestyvali pa padazreńni ŭ «vykanańni piesień u padtrymku Ukrainy»
Palicejskija abšukvali namioty ŭ pošukach narkotykaŭ i «aceńvali płakaty z ukrainskaj simvolikaj, raźviešanyja na drevach pobač z samarobnaj scenaj».
Palicejskija ŭčynili rejd na fiestyvali ŭ Vybarhskim rajonie Leninhradskaj vobłaści. Pradstaŭniki pravaachoŭnych orhanaŭ zajavili dziaržaŭnamu ahienctvu RIA Naviny, što «pad vyhladam muzyčnaha fiestyvalu pad Vybarham pobač z pamiežnaj zonaj Lenvobłaści ź Finlandyjaj sabralisia hramadzianie levaradykalnych pohladaŭ», piša «Mieduza».
Padstavaj dla rejdu, stała «padazreńnie ŭ vykanańni piesień u padtrymku Ukrainy, źmieny ŭłady ŭ RF i masavym užyvańni narkotykaŭ».
Zatrymanyja kala 100 čałaviek — udzielniki i arhanizatary fiestyvalu. Palicejskija abšukvali namioty ŭ pošukach narkotykaŭ i «aceńvali płakaty z ukrainskaj simvolikaj, raźviešanyja na drevach pobač z samarobnaj scenaj».
Akramia taho, va ŭdzielnikaŭ i arhanizataraŭ kanfiskujuć kvadrakoptary, jakija zabaroniena zapuskać u pamiežnaj zonie.
Havorka idzie pra fiestyval Day x Night, na jakim, pavodle afišy, pavinny byli vystupać pank-hurty z Sankt-Pieciarburha i Karelii.
Kamientary
I vied́ znajut žie čto buntujut, mierzavcy... (s)