Amierykanskija naftaviki źnizili siaredni sabiekošt zdabyčy, ceny mohuć jašče źnizicca
Ceny na naftu jašče trochi apuścilisia za minuły tydzień. U piatnicu amierykanskaja śvietłaja nafta pradavałasia za $56,66 za barel. Upieršyniu za dva miesiacy jana patańnieła nižej za kalidor $57-62, u jakim była z pačatku maja.
Nafta Brent kaštuje $61,86.
Analityki źviazvajuć novaje padzieńnie cenaŭ z dasiahnieńniami amierykanskich naftavikoŭ. Jany dabilisia źnižeńnia siaredniaha sabiekoštu zdabyčy nafty z 35 da 20 dalaraŭ, paviedamlaje Rojterz. Heta adbyłosia ŭ vyniku zakryćcia tych śvidravinaŭ, dzie zdabyča zaskładanaja i darahaja. Pryčym amierykancy vałodajuć takimi technałohijami, pry jakich kansiervacyja i raskansiervacyja śvidravin kaštuje adnosna niadoraha.
Šeść miesiacaŭ kolkaść śvidravin u ZŠA padała, i voś pačała raści. Za tydzień ich ličba vyrasła na 12 da 640, i rynak adrazu na heta zreahavaŭ.
Ceny na naftu vyznačaje prapanova — jana zastajecca vysokaj.
Pry cenach na «čornaje zołata» ŭ rajonie 60 dalaraŭ častka amierykanskich radoviščaŭ prastojvaje. Kali ceny ŭźnimajucca, zdabyča robicca prybytkovaj i tam.
Sabiekošt zdabyčy nafty ŭ Rasii — adzin z samych vysokich vysokich u śviecie, kala 46 dalaraŭ za barel. Heta tłumačycca jak asablivaściami hieałohii, tak i ŭmovami krajniaj poŭnačy, a taksama nieefiektyŭnaściu rasijskich kampanij.
U vyniku źnižeńnia cenaŭ na naftu Rasija rastraciła za hod kala 150 miljardaŭ dalaraŭ sa svaich zołatavalutnych zapasaŭ i vymušanaja była abmiežavać maštab svajoj ahresii va Ukrainie, jakaja doraha kaštavała rasijskamu biudžetu.
VUP Biełarusi za pieršyja piać miesiacaŭ hetaha hoda źniziŭsia na 3%. Choć naša kraina sama zdabyvaje tolki 8% nafty ad tych, što ŭ nas pierapracoŭvajecca, ale Alaksandr Łukašenka zbudavaŭ sistemu, pry jakoj naša ekanomika całkam zaviazanaja na rasijskaj.
Da taho ž, źnižeńnie cenaŭ na enierhanośbity pryviało i da źmianšeńnia i rasijskich subsidyj Biełarusi ŭ formie zanižanych cenaŭ na naftu i haz.
Na Rasiju prypadaje prykładna pałova zamiežnahanadlovaha abarotu Biełarusi, a taja tracina jaho, što prychodzicca na Jeŭrasajuz, taksama składajecca pieravažna z ekspartu naftapraduktaŭ, vyrablenych z rasijskaj syraviny. Tamu stahnacyja rasijskaj ekanomiki pryviała da zaniapadu biełaruskaj.
Rostu cenaŭ na naftu analityki pakul nie prahnazujuć.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary