Амерыканскія нафтавікі знізілі сярэдні сабекошт здабычы, цэны могуць яшчэ знізіцца
Цэны на нафту яшчэ трохі апусціліся за мінулы тыдзень. У пятніцу амерыканская светлая нафта прадавалася за $56,66 за барэль. Упершыню за два месяцы яна патаннела ніжэй за калідор $57-62, у якім была з пачатку мая.
Нафта Brent каштуе $61,86.
Аналітыкі звязваюць новае падзенне цэнаў з дасягненнямі амерыканскіх нафтавікоў. Яны дабіліся зніжэння сярэдняга сабекошту здабычы нафты з 35 да 20 даляраў, паведамляе Ройтэрз. Гэта адбылося ў выніку закрыцця тых свідравінаў, дзе здабыча заскладаная і дарагая. Прычым амерыканцы валодаюць такімі тэхналогіямі, пры якіх кансервацыя і раскансервацыя свідравін каштуе адносна нядорага.
Шэсць месяцаў колькасць свідравін у ЗША падала, і вось пачала расці. За тыдзень іх лічба вырасла на 12 да 640, і рынак адразу на гэта зрэагаваў.
Цэны на нафту вызначае прапанова — яна застаецца высокай.
Пры цэнах на «чорнае золата» ў раёне 60 даляраў частка амерыканскіх радовішчаў прастойвае. Калі цэны ўзнімаюцца, здабыча робіцца прыбытковай і там.
Сабекошт здабычы нафты ў Расіі — адзін з самых высокіх высокіх у свеце, каля 46 даляраў за барэль. Гэта тлумачыцца як асаблівасцямі геалогіі, так і ўмовамі крайняй поўначы, а таксама неэфектыўнасцю расійскіх кампаній.
У выніку зніжэння цэнаў на нафту Расія растраціла за год каля 150 мільярдаў даляраў са сваіх золатавалютных запасаў і вымушаная была абмежаваць маштаб сваёй агрэсіі ва Украіне, якая дорага каштавала расійскаму бюджэту.
ВУП Беларусі за першыя пяць месяцаў гэтага года знізіўся на 3%. Хоць наша краіна сама здабывае толькі 8% нафты ад тых, што ў нас перапрацоўваецца, але Аляксандр Лукашэнка збудаваў сістэму, пры якой наша эканоміка цалкам завязаная на расійскай.
Да таго ж, зніжэнне цэнаў на энерганосьбіты прывяло і да змяншэння і расійскіх субсідый Беларусі ў форме заніжаных цэнаў на нафту і газ.
На Расію прыпадае прыкладна палова замежнаганадлёвага абароту Беларусі, а тая траціна яго, што прыходзіцца на Еўрасаюз, таксама складаецца пераважна з экспарту нафтапрадуктаў, вырабленых з расійскай сыравіны. Таму стагнацыя расійскай эканомікі прывяла да заняпаду беларускай.
Росту цэнаў на нафту аналітыкі пакуль не прагназуюць.
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра12
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары