Aleś Bialacki nie bačyć padstaŭ dla skaračeńnia sankcyjnaha śpisu Jeŭrasajuza
Siońnia stała viadoma, što Rada Jeŭrapiejskaha źviazu svaim rašeńniem ad 31 lipienia źniała sankcyi z 24 biełaruskich čynoŭnikaŭ, datyčnych da represij i pieraśledu pradstaŭnikoŭ hramadzianskaj supolnaści.
Sa śpisu vykraślenyja pradstaŭniki administracyi prezidenta, siłavych ministerstvaŭ, kiraŭniki navučalnych ustanoŭ, sudździ: Siarhiej Abłamiejka, Tamara Ałpiejeva, Alena Ananič, Mikałaj Bałaŭnieŭ, Andrej Baranoŭski, Michaił Batura, Alena Čarniak, Žanna Dubinina / Roŭda, Volha Husakova, Natalla Kuźniacova, Alena Łapcieva, Leanid Malcaŭ, Natalla Mierkul, Hienadź Niavyhłas, Hienadź Padhajski, Uładzimir Pałujan, Natalla Piatkievič, Jaŭhien Połudzień, Juryj Prakopaŭ, Anatol Rubinaŭ, Lidzija Cialica, Natalla Varenik, Alaksiej Vasiljeŭ, Valancina Ziankievič.
Kamientujučy rašeńnie Jeŭraźviazu, pravaabaronca-viasnoviec Aleś Bialacki adznačyŭ, što nie bačyć nijakich vidavočnych padstaŭ dla skaračeńnia sankcyjnaha śpisu Jeŭraźviazu:
«Miarkuju, što sankcyi suprać peŭnych čynoŭnikaŭ pavinny zachoŭvacca, pakul nie buduć vyrašanyja pytańni z parušeńniami pravoŭ čałavieka ŭ Biełarusi, za jakija jany patrapili ŭ čorny śpisy. A heta ŭ pieršuju čarhu — padziei 2010 hoda: žorstki razhon demanstracyi ŭ Minsku, aryšty i nastupnyja represii ŭ dačynieńni da mnohich hramadzian».
U ciapierašni čas u śpis uklučany kala 200 biełaruskich čynoŭnikaŭ. Papiaredni raz čorny śpis ES skaračaŭsia 31 kastryčnika 2014 hoda: tady ź jaho taksama byli vyklučanyja 24 asoby i siem kampanij.
Ciapier čytajuć
Što viadoma pra byłoha palitviaźnia Sakałoŭskaha, jaki pamior u Bierlinie ŭ 47 hadoŭ1
Kamientary