Mabilny apieratar Life abviaściŭ pra maštabnaje abnaŭleńnie taryfaŭ i asobnych pasłuh. Źmieny buduć uvodzicca ŭ try etapy — 1, 3 i 29 vieraśnia 2026 hoda.
Z 1 vieraśnia
- U taryfie «Razam 1» abjom internetu pavialičycca z 45 da 60 HB.
- Taryfy «Multyniet» i «Razam 1» abjadnajuć. Dla abanientaŭ «Multynieta» kolkaść chvilin na ŭsie sietki pavialičycca z 500 da 1000, a abjom internetu zastaniecca raniejšym.
- Źmienicca abanienckaja płata za taryfy «Razam 1» i «Razam 2».
Z 3 vieraśnia
Na niekatorych taryfach pavialičać abjom mabilnaha internetu:
- «Kanstruktar» — źjavicca 1 HB;
- «Start» — 2 HB;
- «Hołas» — abjom vyraście z 3 da 5 HB.
Adnačasova źmienicca abanienckaja płata za vialikuju kolkaść taryfaŭ, u tym liku «Šejk», «Šejk Mini», «Usio ŭklučana», «Stoo», «jo1200», Play, «Jak doma», «Hołas 1», «Hołas», «Start», «Kanstruktar», a taksama za šerah biznes-taryfaŭ i taryfaŭ liniejki «Biaskoncy».
Taksama buduć abnoŭlenyja ŭmovy niekatorych pakietaŭ internetu, chvilin, mižnarodnych zvankoŭ, SMS u roŭminhu i zabaŭlalnych servisaŭ.
Z 29 vieraśnia
Źmienicca košt taryfaŭ «Ilhotny», «Razumnyja rečy», «Bazavy», a taksama taryfnych liniejek «Usio lohka» i «Bieźlimit».
Akramia taho, Life abnović publičnuju damovu na akazańnie pasłuh elektrasuviazi.
Takim čynam, apieratar nie tolki pavialičvaje abjom trafiku na asobnych taryfach, ale i pierahladaje abanienckuju płatu dy ŭmovy cełaha šerahu płanaŭ.
Usie źmienienyja taryfy dastupnyja tut.
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA58
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny55
Kamientary