Prync Hary i Miehan Markł viartajucca ŭ Vialikabrytaniju paśla šaści hadoŭ dobraachvotnaha vyhnańnia

Hiercah i hiercahinia Saseksskija płanujuć viarnucca ŭ Vialikabrytaniju praz šeść hadoŭ paśla taho, jak jany admovilisia ad vykanańnia karaleŭskich abaviazkaŭ i pierajechali ŭ ZŠA, piša Bi-bi-si.

Pieršymi pra heta paviedamili haziety Daily Telegraph i Sun. Pavodle ich źviestak, prync Hary i jaho žonka Miehan majuć namier pierajechać z Kalifornii ŭ Vialikabrytaniju ŭ kancy žniŭnia — u pryvatnuju, a nie karaleŭskuju rezidencyju za miežami Łondana.

Ich dzieci, siamihadovy prync Arčy i piacihadovaja pryncesa Lilibiet, pavinny pačać navučańnie ŭ brytanskaj škole ŭ vieraśni.

Karol Karł III byŭ prainfarmavany pra pierajezd u niadzielu. Na hety momant niama płanaŭ ni dla prynca Hary, ni dla Miehan, źviazanych ź viartańniem da abaviazkaŭ členaŭ karaleŭskaj siamji.

Pradstaŭnik prynca Hary i Bukinhiemski pałac pakul nie davali kamientaroŭ nakont hetaha. Krynica, blizkaja da pary, paćvierdziła dakładnaść paviedamleńniaŭ, piša Reuters.

Hiercah i hiercahinia Saseksskija razam ź dziećmi naviedali karala ŭ lipieni, ale ich pierajezd pry hetym nie abmiarkoŭvaŭsia. Karł III nie viedaŭ pra ich pierajezd da minułych vychodnych, adnak jon rady mahčymaści čaściej bačycca ź siamjoj prynca ŭ pryvatnym paradku.

Viartańnia aficyjnaha statusu prynca Hary i Miehan nie čakajecca — jany zastanucca pryvatnymi asobami.

Prync Uiljam i pryncesa Ketryn taksama byli prainfarmavanyja pra ich płany.

Prync Hary i Miehan pakinuli Vialikabrytaniju i pierastali vykonvać karaleŭskija abaviazki viasnoj 2020 hoda. Z taho času siamiejnyja stasunki zastavalisia napružanymi, a vizit da karala i karalevy Kamiły ŭ lipieni staŭ klučavoj padziejaj.

Pałac apisaŭ sustreču ŭ pryvatnym domie karala ŭ Hłosteršyry jak «pryvatnaje siamiejnaje mierapryjemstva». Karol upieršyniu bolš čym za čatyry hady ŭbačyŭ svaich unukaŭ.

Prync Hary i Miehan razam nie byli ŭ Vialikabrytanii z 2022 hoda, kali jany prysutničali na pachavańni karalevy Lizaviety II.

Biaśpieka pary doŭhi čas była pryčynaj napružanaści, pakolki prośba hiercaha Sasekskaha ab palicejskaj achovie była adchilenaja.

Letaś prync Hary prajhraŭ sudovy praces nakont uzroŭniu achovy, na jakuju jon i jaho siamja majuć prava padčas znachodžańnia ŭ Vialikabrytanii.

Raniej prync Hary zajaŭlaŭ, što aściarohi nakont biaśpieki pieraškadžajuć jamu pryjazdžać u Vialikabrytaniju i brać z saboj žonku i dziaciej.

Prync Hary — małodšy brat prynca Uiljama, jaki ličycca spadkajemcam karaleŭskaha tronu. Hary — tolki piaty ŭ čarzie.

• 0
• 0
• 0
• 1
• 0
• 0
• 0
• 1