Prezident Ukrainy Piatro Parašenka zaklikaŭ premjer-ministra Arsienia Jacaniuka i hienprakurora Viktara Šokina syści ŭ adstaŭku. Adpaviedny zvarot užo źjaviŭsia na sajcie Parašenki.
«Siońnia ranicaj ja sustrakaŭsia i hruntoŭna parazmaŭlaŭ z Hienieralnym prakuroram. Ja źviarnuŭsia da Viktara Mikałajeviča z prapanovaj, kab jon napisaŭ zajavu ab adstaŭcy», — paviedamiŭ jon.
Parašenka adznačyŭ dasiahnieńni Šokina va ŭkaranieńni važnych reformaŭ, adnak kanstatavaŭ, što hienprakuratura «nie zmahła zaručycca davieram hramadstva».
«I mienavita tamu na paradku dnia staić pytańnie ab adstaŭcy hienprakurora», — rastłumačyŭ jon.
Taksama jon ličyć, što «z takimi ž mierkami varta padychodzić i da ŭrada».
«Kabiniet ministraŭ zrabiŭ niamała dla vyratavańnia krainy, stabilizacyi ekanamičnaj situacyi i startu reformaŭ. Ale hramadstva vidavočna vyrašyła, što pamyłak bolš, čym dasiahnieńniaŭ, i admoviła ministram u daviery», — zajaviŭ Parašenka.
«Pakul što ŭ premjer-ministra zachoŭvajecca mahčymaść vybrać, jakim čynam lepš dać prastoru dla realizacyi hetaha zapytu. Tatalnaje pierafarmatavańnie Kabinieta Ministraŭ pavinna adbyvacca na asnovie dziejučaj kaalicyi ŭ składzie «Salidarnaści», «Narodnaha frontu», «Samapomačy» i «Baćkaŭščyny», — ličyć Parašenka.
«Asabliva apieluju da «Narodnaha frontu» i jaho lidaraŭ, ź jakimi popleč projdzieny ciažki šlach; jakich ličyŭ, liču i dalej ličyć svaimi adnadumcami i palityčnymi partniorami», — dadaŭ Parašenka.
Parašenka vykazaŭsia suprać praviadzieńnia daterminovych vybaraŭ Rady i zapeŭniŭ, što skarystajecca svaim pravam raspuścić parłamient «tolki ŭ krajnim vypadku, jakoha my prosta nie majem prava dapuścić».
Lidar «Narodnaha frontu» Jacaniuk trapiŭ pad krytyku refarmatarskich siłaŭ va Ukrainie, kali pasprabavaŭ zachavać pad kantrolem biznes-hrupovak asobnyja prybytkovyja dziaržaŭnyja pradpryjemstvy. U svaju čarhu, siarod nasielnictva Jacaniuk niepapularny ŭ suviazi z rostam taryfaŭ ŽKH i padzieńniem piensij.
Ciapier čytajuć
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy136136
Kamientary