U Leninhradskaj vobłaści Rasii ŭ vyniku DTZ zahinuŭ bujny pradprymalnik Michaił Śmirnoŭ, jakoha rasijskija ŚMI nazyvajuć miljarderam. Praŭda, miljarderam jon byŭ tolki rublovym.
Avaryja adbyłasia 20 maja ŭ Pryaziorskim rajonie, na trasie Piaski — Sasnova — Padhorje. Pavodle źviestak palicyi, matacyklist na Triumph nie spraviŭsia z kiravańniem na pavarocie, vyjechaŭ na sustrečnuju pałasu i sutyknuŭsia z aŭtamabilem Haval. Ad atrymanych traŭmaŭ jon pamior da pryjezdu chutkaj dapamohi.
Paźniej roznyja krynicy paćvierdzili asobu zahinułaha — im byŭ Michaił Śmirnoŭ, były saŭładalnik i kiraŭnik rady dyrektaraŭ «Bałtyjskaj paliŭnaj kampanii». Jamu było 53 hady, i jon pavinien byŭ nieŭzabavie adznačyć 54‑ty dzień naradžeńnia.
Pavodle paviedamleńniaŭ rasijskich ŚMI, Śmirnoŭ byŭ źviazany z bujnym biznesam u śfiery ekspartu naftapraduktaŭ i bunkiroŭki sudnaŭ, a taksama ŭdzielničaŭ u kiravańni i raźvićci šerahu kampanij. Jaho imia fihuruje ŭ dziasiatkach jurydyčnych asob.
Taksama adznačajecca, što jon raniej uznačalvaŭ roznyja inviestycyjnyja i finansavyja struktury i byŭ źviazany z bujnymi rasijskimi karparacyjami.
U 2024 hodzie Śmirnoŭ zaniaŭ 108‑ie miesca ŭ rejtynhu miljarderaŭ Rasii pa viersii vydańnia «Diełovoj Pietierburh» z kapitałam 7,79 miljarda rasijskich rubloŭ (kala 109 miljonaŭ dalaraŭ). Asnoŭnym aktyvam nazyvałasia kampanija «Niava Ojł».
Starejšaha syna zasnavalnika suśvietna viadomaha brenda Mango zatrymali pa padazreńni ŭ zabojstvie baćki-miljardera
Dačka Umara Džabraiłava nie vieryć u samazabojstva baćki. Jana źviazvaje jaho śmierć sa spravaj Epštejna
Svajaki byłoha hiendyrektara «Urałkalija» Baŭmhiertniera śćviardžajuć, što jaho na Kipry zabili
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary