Cana na rasijski haz na jeŭrapiejskim rynku ŭ mai ŭpała da $160, Biełaruś stračvaje vyhady ad źnižak «Hazproma»
Fiederalnaja antymanapolnaja słužba Rasija štomiesiac publikuje raźlikovuju canu prodažu hazu «Hazproma» za miežy SND. U pieršym kvartale 2016 hoda jana vahałasia ŭ rajonie $200, u krasaviku źniziłasia da $180, a ŭ mai — da $160 za tysiaču kubamietraŭ.
Cana na haz zvyčajna vyličvajecca ŭ zaležnaści ad siaredniaj cany na naftu z peŭnym časavym łaham.
Pry jeŭrapiejskaj canie na haz $160 źnikaje cenavaja roźnica, jakaja spryjała biełaruskim spažyŭcam hazu i pramysłovaści. Biełaruś atrymlivaje haz ad «Hazproma» za 132 dalary, ale varta adznačyć, što da cany dla jeŭrapiejskich spažyŭcoŭ dadajecca jašče płata za tranzit.
Biełaruski ŭrad sprabuje dabicca dadatkovaj źnižki, «Hazprom» na jaje nie pahadžajecca.
Formuła cany hazu dla Biełarusi była vyznačanaja pry prodažy «Biełtranshazu» «Hazpromu». Uzamien za źnižku rasijski hazavy manapalist harantavaŭ sabie manapolnaje stanovišča na biełaruskim rynku.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary