Druhi hod zapar u Viciebsku adbyvajucca mierapryjemstvy ŭ honar narodnaha paeta Ryhora Baradulina. Asnoŭnaj placoŭkaj sioletniaha litaraturna-muzyčnaha śviata budzie Art-prastora (vuł. Tałstoha, 7 (f-ł Viciebskaha centra sučasnaha mastactva)).
«My vyrašyli pašyryć koła zaprošanych haściej, a taksama pasprabavać aktyvizavać i ŭłasna viciebskija tvorčyja siły,» — raspaviadaje adzin z arhanizataraŭ Uładzimir Bułaŭski.
«Asnoŭnym składnikam śviata budzie markiet, na jaki my zaprasili viciebskich majstroŭ, a taksama internet-kramy knihi.by, belarusam.by, prastora.by. Kožny zmoža nabyć nie tolki padarunki i suvieniry, ale i knihi biełaruskich aŭtaraŭ, a taksama abmianiać svaje rečy na tyja, što spadabajucca ŭ kutku free-markieta.
Siarod zapłanavanych aktyŭnaściej — pieršyja ŭ siezonie zaniatki «Mova Nanova» z udziełam Andrusia Takindanha, prezientacyi knih i vystupy piśmieńnikaŭ Viktara Marcinoviča i Vitala Ryžkova, krajaznaŭcy Mikałaja Pivavara, a ŭ zaviaršeńni muzyčnaja prahrama z udziełam hurtoŭ «Cień» ź Viciebsku, «Ilužan» i «Marcin S.» ź Minsku, a taksama tradycyjny kinapakaz ad fiestyvala karotkamietražak Cinema Perpetuum Mobile».
Tradycyjnymi partniorami «Baradulinak» vystupajuć hramadska-kulturnickaja kampanija «Budźma Biełarusami», sacyjalna-kulturnaja ŭstanova «Viciebsk dla mianie» i Adździeł ideałahičnaj raboty, kultury i pa spravach moładzi Viciebskaha harvykankama.
Nazva «Baradulinki» — danina pavahi asobie i tvorčaści narodnaha paeta Biełarusi Ryhora Baradulina. Padčas mierapryjemstvaŭ budzie pašyracca infarmacyja ab zbory srodkaŭ na šyldu ŭ honar Ryhora Baradulina.
Mierapryjemstvy projduć ad 12:00 da 23:00 na placoŭcy Art-prastory, vuł. Tałstoha,7 (f-ł Viciebskaha centra sučasnaha mastactva) i na prylahajučych terytoryjach. Uvachod na ŭsie padziei volny.
Padrabiaznuju prahramu padziej šukajcie ŭ sacyjalnych sietkach ci pa telefonie (25) 9133876.
Kamientary