Eks-palitviazień Mikoła Dziadok vypuściŭ knihu «Apaviadańni z kišeniaŭ. Haradzienskaja krytaja ŭ imionach i tvarach». U vydańni aŭtar raskazvaje pra siem miesiacaŭ znachodžańnia ŭ turmie Hrodna, piša hrodna.life.
U pryvatnaści, u knizie raspaviadajecca pra znachodžańnie ŭ tak zvanych kišeniach — maleńkich adzinočnych kamierach. «Adzinočkach, u jakich uvieś čas pamirajuć ludzi», — dadaje aŭtar.
Viadoma jak minimum ab niekalkich śmierciach, jakija adbylisia ŭ hrodzienskaj turmie. Siarod zahinułych — mastak Aleś Puškin, jaki pamior u reanimacyi, kudy jaho dastavili z turmy. Pa paviedamleńniach Mikoły Dziadka, u hrodzienskaj turmie sukamierniki zabili źniavolenaha Jaŭhiena Šypula.
Pa słovach Dziadka, u knihu ŭvajšli frahmienty, jakija raniej jon nie ahučvaŭ ni ŭ intervju, ni na svaim YouTube-kanale.
Aktyvist taksama zapłanavaŭ prezientacyju knihi, jakaja adbudziecca 31 maja ŭ tvorčaj prastory Zolak u Vilni. Na sustrečy Dziadok raskaža pra mietady viarboŭki, jakimi karystajucca ahienty KDB u hrodzienskaj turmie.
Vydańniem knihi zajmałasia biełaruskaja anłajn-biblijateka Kamunikat. Knihu vypuścili na biełaruskaj i ruskaj movach.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary