«Kalektyvizacyja ŭ Zachodniaj Biełarusi (1948-1952): hvałt ułady i stratehii vyžyvańnia», - z uspaminami viaskoŭcaŭ, jakija pieražyli stvareńnie kałhasaŭ na Haradzienščynie, možna budzie siońnia paznajomicca ŭ Hrodnie.
Hrupa historykaŭ, Aleś Smalančuk, Taćciana Kasataja, Iryna Čarniakievič i Halina Faciejeva, prezientuje vyniki letniaj ekśpiedycyi Biełaruskaha archiva vusnaj historyi. Daśledčyki zaprašajuć na razmovu pra minułaje, i abiacajuć, što jana dapamoža zrazumieć sučasnuju Biełaruś.
Paślavajennaja kalektyvizacyja źmianiła žyćciovy ŭkład niekalkich miljonaŭ viaskoŭcaŭ. Što stałasia z čałaviekam, jaki z haspadara pieratvaraŭsia ŭ kałhaśnika? Jak heta źmianiła sialanski śvietapohlad, asnoŭnymi kaštoŭnasnymi aryjentyrami jakoha zvyčajna byli praca, ziamla i viera?
Prezientacyja pačniecca siońnia a 18.00 u haradzienskim Centry haradskoha žyćcia, pa adrasie: Savieckaja, 3 (pobač z halerejaj «Kryha»).
Mierapryjemstva adbudziecca ŭ miežach Tydnia biełaruskaha myśleńnia ŭ Hrodnie.
Na hetym tydni ŭ Centry haradskoha žyćcia Hrodna zapłanavy šerah inšych, vartych uvahi, padziej.
U sieradu, 21 vieraśnia, a 18.30 «Jak napisać knihu pra Radzimu» raspaviadzie Lavon Karpovič, aŭtar daśledvańnia «Majo miastečka Łuna-Vola».
22 vieraśnia a 18.30 adbudziecca dyskusija «Moŭnyja šansy Harodni», dzie buduć ahučanyja ličby biełaruskamoŭnaha navučańnia ŭ Hrodnie za hady niezaležnaści Biełarusi.
A 23 vieraśnia, u piatnicu, ź lekcyjaj «Haradzienski nonkanfarmizm u druhoj pałovie XX st.» vystupiać haradzienskija historyki, aŭtary almanacha «Horad śviatoha Hubierta».
Usie nazvanyja mierapryjemstvy projduć u haradzienskim Centry haradskoha žyćcia pa adrasie: Savieckaja,3 (pobač z halerejaj «Kryha»)
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina23
Kamientary