Teatr cieniaŭ u vieršach i prozie. Prezientacyja novaj knihi Alhierda Bachareviča «Bezavy i čorny. Paryž praz akulary biełaruskaj litaratury» i novaha zbornika vieršaŭ Juli Cimafiejevaj «Cyrk». Haściami imprezy, akramia aŭtaraŭ:
paet Andrej Chadanovič, vydaviec Źmicier Kołas, redaktarka i pierakładčyca Alena Piatrovič, paet i muzyka Uładź Lankievič, piśmieńnik, mastak i vydaviec Adam Hłobus, fiłosaf Valancin Akudovič.
19 śniežnia ŭ kniharni ŁohvinaŬ (Niezaležnaści 37a). Pačatak — 19.00. Uvachod volny.
***
Krychu pra knihi. «Bezavy i čorny. Paryž praz akulary biełaruskaj litaratury» — takuju nazvu maje kniha Alhierda Bachareviča, pryśviečanaja francuskaj stalicy. Pad adnoj vokładkaj: ese pra ślady biellitu na paryžskich vulicach, razvažańni pra biełaruska-francuskija kulturnyja pustoty, apaviadańnie pra mahiłu Niestara Machno i šmat inšaha: fikšn i non-fikšn, mify i praŭda, naš Paryž — i ichni Miensk…
«Cyrk» — druhi zbornik vieršaŭ Juli Cimafiejevaj: staryja i novyja teksty, u jakich splałosia ŭsio toje balučaje, asabistaje, hramadzkaje i pryvatnaje, bačnaje i nieprykmietnaje, što chvalavała aŭtarku ciaham apošnich hadoŭ. Na arenie ŭnutranaha cyrku Jula Cimafiejeva praciahvaje nazirać za dresiroŭščycaj-movaj i jaje ŭładaj nad čałaviekam, za kłaŭnadaj biełaruskaj sučasnaści, za akrabatykaj cialesnaha i paetyčnaha ŭ sabie.
Abiedźvie knihi napisanyja sioleta, pieravažna ŭ Paryžy, dzie aŭtar i aŭtarka pracavali ŭ kulturnym centry Centre International de Recollettes.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary