Ukrainskaja madel zhulała z hruzinskim biznesmienam viasielle ŭ Kanach na 5 miljonaŭ jeŭra. Viadučymi byli Jaŭhien Pierlin i Maksim Hałkin
Madel z Charkava Nika Kuźniacova pabrałasia šlubam z hruzinskim biznesmienam Nikam Łomia ŭ adnoj z samych darahich vił u Kanach. Śpiavali dla maładzionaŭ i ich haściej Ryki Marcin, Valeryj Mieładze, Maksim Hałkin.
Niaviesta — Nika Kuźniacova — naradziłasia ŭ Charkavie. U 2021 hodzie jana stała finalistkaj konkursu pryhažości «Mis Ukraina», ale niejkaha tytułu nie atrymała. ŚMI pišuć, što paśla pačatku vajny Nika pierajechała ŭ Manaka.
U instahramie dziaŭčyna raspaviadała, što ŭ dziacinstvie maryła stać dyzajnierkaj. U 11 hadoŭ pajšła ŭ madelnuju škołu. A vučycca pastupiła na ekanamistku-mižnarodnicu. Papracavać Nika paśpieła chostes-administratarkaj, apieratarkaj u koł-centry, pramoŭtarkaj, madellu — i jašče šmat kim. Kaža, umieje rabić sajty, zasvoiła 3D-madelavańnie, moža być dyzajnierkaj interjeraŭ.
Žanich — Nika Łomia — hruzinski biznesmien, jaki źjaŭlajecca suzasnavalnikam IT-kampanii Spribe. Jana zajmajecca raspracoŭkaj płatform dla anłajn-kazino i maje ofisy ŭ Kijevie i Varšavie. Niekatoryja pabliki źviazvajuć jaho z machlarskimi koł-centrami.
U svaim błohu ŭ instahramie Nika raspaviadała, što paznajomiłasia z budučym mužam u sacsietkach. A pieršaje ich spatkańnie prajšło ŭ «Makdonaldsie». Kaža, što sama jana vielmi prostaja dziaŭčyna i luboje spatkańnie moža być ramantyčnym, kali pobač pravilny čałaviek.
Nika pryznajecca, što apošnim časam adyšła ad pracy, bo ličyć nieabchodnym bolš zajmacca siamjoj. Hatuje jana sama, a voś z pryborkaj joj dapamahajuć.
Zakachanyja arhanizavali viasielle ŭ adnoj z samych darahich vił u Kanach — Château de la Croix des Gardes. Jana była pabudavana ŭ 1919 hodzie. Kab vy razumieli ŭzrovień placoŭki: tut pravodzili svaje mierapryjemstvy takija kampanii, jak Versace i Apple. Tut ža adbyvałasia ekskluziŭnaja viečarynka zakryćcia Kanskaha kinafiestyvalu. Košt arendy viły całkam na dva dni (a mienavita stolki śviatkavali viasielle) moža dachodzić da 500 tysiač jeŭra.
Haściej sustrakała trya skrypačak.
A placoŭku, dzie maładziony abmianialisia klatvami kachańnia i viernaści, ustalavali tak, kab hości mahli atrymlivać asałodu ad cudoŭnaha vidu na Mižziemnaje mora.
Šklany podyum, upryhožany tysiačami kvietak, zrabili prosta pasiarod basiejna — pa im šli žanich i niaviesta.
Adnych tolki fatohrafaŭ, jakija zdymali radasnuju padzieju, było šeść.
Samo mierapryjemstva prachodziła na ruskaj movie.
Viadučymi abrali rasijskaha artysta Maksima Hałkina i viadomaha biełaruskaha viadučaha Jaŭhiena Pierlina.
Byŭ i šykoŭny fiejervierk, i šou dronaŭ u načnym niebie, jakija rabili roznyja malunki.
Zabaŭlalnuju prahramu taksama pradumali — tancy baleryn, pieśni ŭ vykanańni Maksima Hałkina (u tym liku, i na ŭkrainskaj movie) i Valeryja Mieładze. Ale hałoŭnaj zaprošanaj zorkaj staŭ Ryki Marcin — ščaślivyja muž i žonka skakali pad jaho chit Un, Dos, Tres.
Druhi dzień viasiella zrabili nacyjanalnym. Tut haściam prapanoŭvali jak sała z cybulaj i boršč z pampuškami, tak i chinkali.
Hości taksama imknulisia dadać da kaściumaŭ niejkija nacyjanalnyja elemienty.
Niaviesta ź siabroŭkami tančyła pad ukrainskuju muzyku.
Tradycyjnyja hruzinskija tancy ad artystaŭ hruzinskaha nacyjanalnaha baleta «Suchišvili» taksama byli. Vystupaŭ hruzinski śpiavak Bieka Braładze.
Pa infarmacyi ŚMI, hanarar Ryki Marcina ŭ takich vypadkach zvyčajna składaje 1,5 miljona jeŭra, Maksima Hałkina — 118 tysiač (ale treba ŭličvać, što jon pracavaŭ 2 dni, tamu hanarar moh być i bolšym), Valeryja Mieładze — kala 146 tysiač. Ahułam takoje šykoŭnaje viasielle mahło kaštavać da 5 miljonaŭ jeŭra.
Pratasievič padzialiŭsia, kolki hrošaj jamu treba na viasielle
Ci dajšła zorka «Univiera» na viasielle minčanki Lizaviety, kudy jaho klikaŭ uvieś Threads?
«U siamji razmaŭlajem kožny na rodnaj movie». Zasnavalnica biełaruskaj inicyjatyvy «Hodna» vyjšła za ŭkrainskaha jutubiera
Byłaja zorka «Biełsata» Siarhiej Padsasonny vychodzić zamuž za polskaha šlachcica
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary