Latučy univiersitet u partniorstvie z tavarystvam «Zialonaja sietka», časopisam «Haradskija taktyki», «Architekturnym Biuro 35» i biełaruskaj partyjaj «Zialonyja» zaprašaje na adukacyjnuju prahramu. Meta prahramy — raźvićcio ŭjaŭleńniaŭ i praktyk pracy z haradskimi hramadskimi prastorami. Zajaŭki prymajucca da 12 lutaha.
Siońnia hramadskaja prastora — heta kropka kancentracyi prablem raźvićcia horada: sacyjalnych i kulturnych, palityčnych i pravavych, infrastrukturnych i ekanamičnych. Parki, płoščy, handlovyja centry, vakzały — ŭsio heta miescy sutyknieńnia haradžanaŭ, supolnaściaŭ, instytutaŭ i struktur, a taksama ich intaresaŭ i roznych optyk i łohik. Heta kropka napružańnia i enierhii haradskoha raźvićcia. Heta kropka, adkul paŭstajuć praktyčnyja pytańni, jakija patrabujuć surjoznaj daśledčaj i prajektnaj pracy, šyrokaha koła viedaŭ i zdolnaściaŭ da supolnaj pracy.
Udzielniki prahramy atrymajuć sistemnyja viedy pra sučasnyja nakirunki raźvićcia haradoŭ i hramadskich prastoraŭ u ich, praktyčnyja navyki krytyčnaha myśleńnia i daśledčaj pracy, dośvied kamunikacyi, uzajemadziejańnia i kamandnaj raspracoŭki idej i prajektaŭ dla raźvićcia hramadskich prastoraŭ. Hałoŭnaj ramkaj prahramy stanie kancepcyja «zialony horad».
Prahrama ŭklučaje ŭ siabie lekcyi, sieminary-abmierkavańni, hrupavuju daśledčuju praktyku pad kiraŭnictvam ťjutaraŭ, a taksama raspracoŭku prajektaŭ raźvićcia hramadskich prastoraŭ. Vyniki daśledvańniaŭ i stvoranyja na ich padstavie prajekty buduć prezientavany pa skančeńni prahramy na publičnym mierapryjemstvie.
U miežach prahramy ŭdzielniki buduć vyvučać nastupnyja temy:
- Horad jak abjekt myśleńnia i dziejnaści. Sposaby i nakirunki pracy ŭ sučasnaj urbanistycy.
- Hramadskija prastory jak sistemny elemient haradskoha žyćcia i raźvićcia.
- Zialony horad: kancepcyja, idejałohija, praktyka.
- Prava na horad i jaho riealizacyja praz hramadskija prastory.
- Haradskija supolnaści i sacyjalnyja stasunki. Ich prajavy ŭ hramadskich haradskich prastorach.
- Identyčnaść, simvaličny i kulturny kantekst raźvićcia horada i haradžan.
- Ekanomika i inviestycyi. Sučasnyja madeli arhanizacyi hramadskich prastoraŭ i publičnych placovak.
- Płanavańnie i prajektavańnie raźvićcia haradoŭ i haradskich prastoraŭ.
- Ekałahičnyja prablemy i ramki isnavańnia hramadskich prastoraŭ.
Asobnaja ŭvaha budzie nadavacca zasvajeńniu mietadaŭ i padychodaŭ da arhanizacyi myśleńnia i dziejnaści:
- Sistemny padychod i mahčymaści analiza horada.
- Arhanizacyja daśledavańniaŭ, praca z dadzienymi i interpretacyja vynikaŭ.
- Osnovy prajektavańnia i prahramavańnia dziejnaści.
Prahrama adbudziecca z 24 lutaha pa 25 červienia i praduhledžvaje 7 sieśsij, kožnaja ź jakich budzie doŭžycca 3 dni (prysutnaść na ŭsich sieśsijach abaviazkovaja, padrabiaznaja prahramma tut).
U jakaści lektaraŭ i ekśpiertaŭ u škole prymuć udzieł biełaruskija i zamiežnyja śpiecyjalisty ŭ roznych halinach: Uładzimir Mackievič, Maryja Fałalijeva, Iskra Krstič, Ivan Suchij, Andrej Karavianski, Hanna Paźniak, Ihar Ciščanka, Maryna Siemienčanka, Ivan Kraŭcoŭ, Alaksiej Kryvałap, Andrej Jahoraŭ, Źmicier Haŭrusik, Taćciana Vadałažskaja, Ivan Ščadranok, Marharyta Łazarenka i inš.
Da ŭdziełu ŭ škole zaprašajucca daśledčyki, aktyvisty, sacyjołahi dy kulturołahi, jakija majuć dośvied pracy ŭ ekałahičnym i/albo ŭrbanistyčnym ruchu, i zacikaŭleny ŭ raźvićci hramadskich prastoraŭ i svajoj praktyki na padstavie sistemnych viedaŭ.
Dla pastupleńnia ŭ škołu nieabchodna ŭvažliva aznajomicca z prahramaj škoły (udzieł patrabuje abaviazkovaj prysutnaści na 7 trochdzionnych siesijach) i zapoŭnić zajaŭku ŭ termin da 12 lutaha. Vyniki adboru buduć viadomy nie paźniej za 17 lutaha.
Zaniatki škoły pačnucca 24 lutaha i buduć prachodzić u Minsku.
Pa ŭsich pytańniach, źviazanych z praviadzieńniem škoły, źviartajciesia na adras elektronnaj pošty: [email protected] z paznakaj «Škoła Horad».
Spasyłki:
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary