3—4 sakavika — kanfierencyja Latučaha ŭniviersiteta i Centra jeŭrapiejskaj transfarmacyi «Techniki i technałohii čałaviečaha»

Bolšaść prablem, ź jakimi siońnia sutykajecca čałaviectva, — heta prablemy humanitarnyja. Navat abmiarkoŭvajučy techničnyja dasiahnieńni i technałahičnyja praryvy, pryrodnyja zruchi i tendencyi ŭ ekałohii, mihracyjnyja płyni i novyja finansavyja i ekanamičnyja madeli, u vyniku my apynajemsia pierad vyklikam dla čałavieka. Sučasny čałaviek, jaho samarazumieńnie, stasunki ź Inšymi — patrabujuć pieraasensavańnia. I navat bolš za pieraasensavańnie — dziejańnia.

Ci možam my na bazie humanitarnaj viedy nie tolki tłumačyć i razumieć, ale i na praktycy adkazvać na sučasnyja vykliki? Adukacyja, miedyja, navuka, kultura, PR, prava, śfiera pasłuhaŭ, novyja formy supolnaj tvorčaści, startapy — heta i mnohaje inšaje tak ci inakš stvaraje i ŭznaŭlaje Čałaviečaje ŭ Čałavieku. Jakim čynam heta adbyvajecca? Jak heta možna źmianiać? Kudy i navošta źmianiać? Chto heta robić? I chto moža ci pavinien nieści adkaznaść za takija źmieny?

Meta kanfierencyi - prapanavać i publična abmierkavać tyja idei i prapanovy pa sučasnych technikach i technałohijach čałaviečaha, jakija isnujuć ci mohuć być razhornutyja ŭ našaj situacyi i ŭ našym hramadstvie. My imkniemsia taksama krytyčna acanić svaje mahčymaści, pravy i abmiežavańni na takuju pracu.

U prahramie kanfierencyi — abmierkavańnie technik i technałohij čałaviečaha ŭ roznych śfierach i ź niekalkich rakursaŭ:

• Minułaje i budučynia. Jak jany vybudoŭvajucca ŭ humanitarnych praktykach
• Aśvieta, navuka i adukacyja — prastora technik i technałohij čałaviečaha
• Palityka i sacyjalnyja stasunki: antrapałahičnyja pierśpiektyvy
• Pryrodnaje i štučnaje asiarodździe: padychody ŭ vyrašeńni humanitarnych prablem
• Humanitarnaja vieda dla techničnych prablem i technałahičnych vyklikaŭ
• Miežy dziejnaści i adkaznaści «technołaha»

Da ŭdziełu ŭ kanfierencyi zaprašajucca navukoŭcy, śpiecyjalisty ŭ śfiery adukacyi, kultury, miedyja, a taksama tyja, chto pracuje z techničnymi i technałahičnymi vynachodnictvami i hatovy da abmierkavańnia abaznačanych temaŭ i prablem.

Dla ŭdziełu ŭ kanfierencyi nieabchodna da 10-ha lutaha dasłać zajaŭku na elektronnuju skryniu [email protected] z nastupnymi źviestkami ab zajaŭniku:

1) Imia i proźvišča

2) Miesca pracy ci vučoby, pasada

3) Forma ŭdziełu ŭ kanfierencyi:

- Dakład. Ukažycie nazvu i tezisy dakładu (1,5-2 staronki).

- Udzieł u ahulnaj dyskusii. Paznačcie matyvacyju da ŭdziełu ŭ kanfierencyi (50-100 słovaŭ)

4) Kantaktnyja dadzienyja: email, telefon.

Inšaharodnim udzielnikam arhanizatary zabiaśpiečvajuć prajezd i pražyvańnie. Kolkaść udzielnikaŭ kanfierencyi abmiežavanaja, tamu arhanizacyjny kamitet pakidaje za saboj prava adboru zajaŭnikoŭ pavodle «matyvacyi da ŭdziełu».

Kantaktnaja asoba pa arhanizacyjnych pytańniach — Kaciaryna Ramančyk: [email protected], +375445796339, pa źmiastoŭnych pytańniach — Taciana Vadałažskaja: [email protected], +375296754625.

• 0
• 0
• 0
• 0
• 0
• 0
• 0
• 0