Fryk z «NOD», militaryst, kiraŭnik pradpryjemstva… Chto vyjšaŭ na pikiet u padtrymku Rasii?
Šeść prarasijskich aktyvistaŭ praviali 4 lutaha pikiet na płoščy Niezaležnaści ŭ Minsku. Jany vykazalisia ŭ padtrymku Rasii i zajavili, što «biełarusy i rasiejcy adzin narod».
Heta vyhladała jak reakcyja na zajavu Alaksandra Łukašenki 3 lutaha, što «svaboda i niezaležnaść daražejšyja za naftu».
Chto hetyja ludzi, što vyjšli na płošču?
Pikiet praviali čalcy tak zvanaha «Nacionalno-osvoboditielnoho dvižienija». Ruch viadomy svaimi prarasijskimi pohladami i padtrymkaj sieparatystaŭ Danbasa. A taksama — časam daviedzienymi da absurdu pohladami.
U intervju «Našaj Nivie» Uładzimir Ryžankoŭ, kiraŭnik ruchu, raskazvaŭ, što SSSR byŭ razvaleny ahresiŭnym Zachadam, jaki ŭvieś čas tak ci inakš supraćstaić «mirnaj słavianskaj cyvilizacyi». Taksama Ryžankoŭ i pres-sakratarka ruchu Julija Čyrva zapeŭnivali, što biełaruskuju kanstytucyju napisali ZŠA, 80% našych čynoŭnikaŭ pracujuć na Amieryku, a na Zachadzie dziaciej admysłova vučać być hiejami i vučać seksualnym vyčvarenstvam.
Ryžankoŭ siabie nazyvaje pradprymalnikam. Heta jon letaś stvaraŭ pietycyju suprać bieł-čyrvona-biełaha ściaha.
Z rasijskim ściaham na pikiecie stajaŭ Alaksiej Hałavin.
Mužčyna ŭžo fihuravaŭ u ŚMI. Naprykład, jon byŭ zaŭvažany na akcyi Statkieviča, pryśviečanaj patrabavańniu spraviadlivych vybaraŭ u vieraśni 2015 hoda.
Taksama Hałavin — ci «Šachid Bieźmiaciežny» jak jon nazyvie siabie ŭ sacsietkach — vielmi lubić zbroju. Jon šmat fatahrafujecca ź joju sam i aktyŭna pościć fotački žančyn i dziaciej sa «stvałami».
Hałavin šmat zajmajecca sportam. Taksama ŭdzielničaje ŭ «patryjatyčnym vychavańni moładzi» — vajskovych hulniach padletkaŭ, jakija ładziać kazaki Piatra Šapko.
Kałarytny vusač — 47-hadovy minčuk Alaksandr Lavonaŭ.
Na jaho staroncy ŭ sacsietkach usio kananična: Pucin i Pakłonskaja, nastalhija pa SSSR i zdymki Stalina, Navarosija, «DNR» i «ŁNR».
Jašče adzin — Siarhiej Łanavienka.
Byłomu desantniku Łanavienku padabajucca nažy i Navarosija.
Pavodle niepaćvierdžanaj infarmacyi, Łanavienka — blizki siabar adnaho z bajevikoŭ bataljona «Sparta», jaki raniej uznačalvaŭ sumna viadomy Mataroła (Arsienij Paŭłaŭ).
Jašče adzin udzielnik — Andrej Dzimientaŭ.
Mužčyna daŭ «Našaj Nivie» razhornuty kamientar nakont svajho ŭdziełu ŭ pikiecie.
Pa słovach mužčyny, jon kiraŭnik, maje svaju dolu ŭ pryvatnym pradpryjemstvie.
«Ja vyjšaŭ na pikiet, bo liču nieabchodnym padtrymać Rasiju siońnia i vykazać salidarnaść ź joju. U našym zvarocie jasna pra heta havorycca.
Ja nie člen «NOD» i ŭvohule z usimi ludźmi ź pikieta paznajomiŭsia ŭ internecie — u supołcy Ukantakcie pad nazvaj «Vatny siektar». Ja i z Ryžankovym zhodzien tolki častkova — nie ŭsie jaho idei ja padtrymlivaju. Pra arhanizacyju «NOD» ja, ščyra kažučy, daviedaŭsia pazaŭčora, — raskazaŭ Dzimientaŭ. — Ale tak, ja padtrymlivaju Navarosiju. Mnie blizki Stalin. Ja padtrymlivaju ideju Sajuznaj dziaržavy, padtrymlivaju Rasiju.
Što tyčycca biełaruskaj niezaležnaści… Tut składana. Kali b my ŭvajšli ŭ skład Rasii, heta było b nie samym horšym… Ale i skazać, što ja suprać našaha suvierenitetu i dziaržaŭnaści, ja nie mahu».
«Ale, za vyklučeńniem «spadara nodaŭca», nichto źniavahi ŭ bok Jeŭropy nie vykazvaŭ. I nichto ich nie vitaje. My suprać abražańnia inšych dziaržaŭ», — skazaŭ Dzimientaŭ.
Pa słovach Dzimientava, heta byŭ nie apošni pikiet i zvarot. Buduć jašče.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary